Yoano 3:21 - KNTP

²¹ Pakuba awa uba bya kine ye wiya ku kyeya, amba byubilo byanji bisoloke, mo byaubilwa mwi Lesa.

Yoano 3:21 Iomraidhean Croise

Yoano 1:47

Aye Yesu wamumwene Natanela kasa eya ko aji, wamwambijile amba, “Talai, mwina Isalela wa kine wabula bujimuku.”

Yoano 3:20

Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka.

Yoano 5:39

Mukebakeba mu binembelo, mambo mulanguluka amba, byo bimupa bumi bwa myaka, nanchi ibyo binshimuna amiwa!

Yoano 7:17

Inge muntu waswa kuuba kyaswa muchima wanji, usakuyuka kufunjisha kwami, kana kwa Lesa, nangwa ng'ambila mu luusa lwami amiwa mwine.

1 Kolinda 15:10

Pakuba na bupe bwa Lesa, amiwa naikala byonji lelo, ne bupe bwanji bo ampele kechi bwaji bwatu ne, bino naingijilenga kwibakila bonse, byonkabyo kechi na bulume bwami ne, poso bupe bwa Lesa buji ne amiwa.

2 kolinda 1:12

Mambo kwitota kwetu ko ko kuno, ko kushimuna kwa jiwi ja mu michima yetu, amba mo mu buzhile ne mu bumuchima wa bukine bwa Lesa, momo twaikela pano pantanda, pakuba kwi anweba ko kwine, kechi mu maana a buntunshi ne, poso mu bupe bwa Lesa.

Ngalatiya 6:8

Mambo awa ubyajila buntunshi bwanji mwine ukanowa bubole konka ku buntunshi. Kabiji awa ubyajila Mupashi ukanowa bumi bwa myaka konka ku Mupashi.

Efisesa 5:9

(mambo bipangwa bya kyeya biji mu buwame bonse ne bololoke ne bukine),

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Kolose 1:29

Kyo kyo ng'ingijila kyakosa kasa na kolomokatu, monka mwayila kwingila kwa Kilishitu koengila mwi amiwa na bulume.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Yoano 1:6

Umvwe twa amba namba tuji mu lumvwang'ano nanji kasa twenda mu mfishi, twabepa kabiji kechi tubena kuuba bya bukine ne.

3 Yoano 1:11

Anweba batemwe, kechi mulondele akya kyatama ne, pakuba londelaiko akya kyawama. Awa uba byawama ye wa kwa Lesa, awa uba byatama kechi wamumonapo Lesa ne.

Lumwekesho 3:15

nayuka mingilo yobe, byo wabula kuuba munyango nangwa kuuba kyuya. Nasaka namba inge waji kuuba munyango nangwa kuuba kyuya!