Yoano 3:2 - KNTP

² Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”

Yoano 3:2 Iomraidhean Croise

Mateo 22:16

Kabiji bamutumijile baana babo babwanga ne bena Heloda, ne kumwambila amba, “Mufunjishi twayuka namba anweba mwi wa kine, kabiji mufunjishatu jishinda ja Lesa mu bukine, kechi muchiina muntu nangwa umo ne, mambo kechi muta muchima ku bilungi bya bantu ne.

Mateo 23:7

ne kwibemuna pa bisankanyi, ne kutelwa ku bantu amba, ‘Laabi.’

Mateo 23:8

Kabiji anweba kechi mutelwe amba ‘Laabi’ ne, mambo mufunjishi wenu umotu, ne anweba bonse mwi balongo na balongo.

Mako 12:14

Kabiji baishile kwi aye ne kwamba amba, “Mufunjishi twayuka namba mwamba bya kine, kwakubula kuta muchima ku bintu bilanguluka bantu. Kabiji kechi mutala ku kilungi kya muntu nangwa umo ne, pakuba mufujishatu bukine bwa Lesa mwayila kyaswa muchima wa Lesa pa bantu. Tubuulai kana kizhila kupana musonko kwi Kesala nyi? Twafwainwa kupana nyi, inyi ne?”

Yoano 1:38

Kabiji Yesu byo a futulukile ne kwibamona kasa bamulondela, wibepwizhe amba, “Ikika kyo musaka?” Kumvwa abo amba, “Laabi, (pa kulumbulula ko kuuba amba, ‘Mufunjishi,’) mwikala kwepi?”

Yoano 10:38

Kabiji inge neyuba nangwa kechi mwangitabila amiwa ne, nanchi itabilaiko mingilo yami, namba muyukishetu amba, bataata baji mwi amiwa, ne amiwa nji mwi bataata.”

Yoano 12:37

Aye nangwa waubile biyukilo byavula kechi bamwitabijile ne,

Yoano 14:10

Kechi mwaitaba byo nji mwi bataata, ne bataata byo baji mwi amiwa nenyi? Byambo byo nemwambila kechi nebyamba bunke bwami ne. Pakuba Bataata bekala mwi amiwa bo boba mingilo yabo.

Yoano 15:24

Inge kechi naubile mwi abo mingilo ibula kuubapo mukwabo ne, inge kechi baji na mambo ne, pakuba pano amiwa ne bataata betumona ne kwitushikwa.

Yoano 2:11

Ino ntendekelo ya biyukilo byanji Yesu wiyubile mu Kena wa mu Ngalilea, ne kumwesha lukumo lwanji, kepo baana banji babwanga bamwitabijile.

Yoano 20:16

Kumvwa Yesu wamwambijile amba, “Maliya!” Ne aye wafutulukile, ne kwamba mu Kihebelu amba, “Laboni!” (Kyalumbulula amba, “Mufunjishi.”)

Yoano 3:26

Kabiji baishile kuji aye Yoano, ne kumwambila amba, “Laabi, awa wajinga ne anweba ku bushiya bwa Yodano, yenkawa ye mwashimwine, pano ubena kubatizha, ne bonse babena kupwila koaji.”

Yoano 4:31

Akwa kunyuma baana banji babwanga bamusashijile amba, “Laabi, jai!”

Yoano 5:36

Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma.

Yoano 6:2

Ne jibumba jikatampe ja mulondejilenga, mambo bamwene biyukilo byo aubilenga ku bakolwa.

Yoano 7:31

Ne bavula bamu jibumba bamwitabijile, ba ambilenga amba, “Nanchi pa kukeya Kilishitu, ukoba biyukilo byakila mu kuvula kukila bino byo auba uno muntu nyi?”

Yoano 9:16

Kepo bamo Bafaliseo ba ambile amba, “Nanchi awo muntu kechi wa kwa Lesa ne, mambo kechi ulama Sabado ne. Kumvwa bakwabo amba, nanchi muntu ndengamambo akonshe byepi kuuba biyukilo biji bibye?” Ponkapo mwi abo mwabuukile lwabano.

Byubilo 10:38

a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji.

Byubilo 2:22

“Anweba bena Isalela, umvwai bino byambo! Yesu mwina Nazala, muntu waitabilwe kwi Lesa ku meso enu mu mingilo ya bulume ne mu bya kukumya ne mu biyukilo, byo aubile Lesa mwi aye mukachi kenu, monka mo mwayukila ne anweba bene;

Filipai 1:14

Kabiji kwikala kwami mu mfungwa kwibakosesha balongo bami ba mwi Nkambo, baikala na kuchinchika bimye byonse mu kusapwila mambo kwakubula moyo.