Yoano 3:11 - KNTP

¹¹ Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Yoano 3:11 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Mateo 23:37

“Obewa Yelusalema, Yelusalema! Wipaya bangauzhi, ne kwibaasa mabwe aba bo bemutumina! Javula bingi jo nasakile kwibakonkenya baana bobe pamo nobe kyaje ukonkenya twana twanji mwine mu byapi byanji, kabiji anweba kechi mwaswile ne!

Luka 10:22

“Bataata bampele amiwa bintu byonse, kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Yoano 1:11

Waishile ku ba kwanji mwine, bino bantu banji mwine kechi bamutambwile ne.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 12:49

Ke pakuba kechi neambile amiwa mwine ne, bataata bantumine, bo bankambizhizhe amba, byo byo ukamba ne byo ukalumbulula.

Yoano 14:24

Awa wabula kuntemwa kechi ulama byambo byami ne, kabiji ne byambo byo nemufunjishe kechi byami amiwa mwine ne, byo bya bataata bantumine.”

Yoano 3:12

Lelo umvwe byo nemubuula bya pano panshi anweba ne kwitabila ne, muketabila byepi umvwe nemubuula bya mwiulu?

Yoano 3:13

Kafwako muntu wakanjijilemo mwiulu ne, poso yenka waikijile mwiulu, aye Mwana Muntu.”

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Yoano 3:5

Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne.

Yoano 5:43

Amiwa naiya mu jizhina ja bataata, bino anweba kechi mwantambula ne, bino inge mukwabo waiya mu jizhina janji mwine, muka mutambula.

Yoano 7:16

Kumvwa Yesu wibakumbwile amba, “Kufunjisha kwami kechi kwamitu ne, nanchi kwa aye wantuma.

Yoano 8:14

Kumvwa Yesu wibambijile amba, “Nangwa mbena kwishimuna amiwa mwine, kushimuna kwami ko kwa kine, ke pakuba nayuka ne konafuma, ne kongya, pakuba anweba kechi mwayuka konafumine ne, nangwa kongya ne.

Yoano 8:26

Nji na byavula bya kwimwambila ne bya kwimuzhachisha. Pakuba aye wantuma ye wa kine, ne byonka byo naumvwine kwi aye, byo byo ng'amba kuba pano pantanda.”

Yoano 8:38

Amiwa ng'amba byo namwene kwi bataata, ne anweba muba byo mwamwene kwi shenu.”

Byubilo 22:18

ne kumona na mumwene kasa ang'ambila amba, Pelawizha ufume mu Yelusalema bukiji, mambo kechi baketaba lushimuno lobe lwa kunshimuna amiwa ne.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,