Yoano 20:2 - KNTP

² Ponkapo aye wanyemejile kwi Shimona Petelo, ne ku mwana wabwanga mukwabo ye atemenwe Yesu, ne kwibabuula amba, “Bamufumyamo Nkambo mu kilende, ne atweba kechi twayuka ko bamutula ne!”

Yoano 20:2 Iomraidhean Croise

Yoano 13:23

Mwananji wabwanga umo, yenka ye atemenwe Yesu, wajinga ku tebulu, kasa asendalela mu kyaji kya Yesu.

Yoano 19:26

Yesu pa kumona inanji, ne yewa mwana wabwanga ye atemenwe, kasa baimana konka, wa ambijile inanji amba, “Mama, talai mwanenu!”

Yoano 20:13

Kumvwa abo bamwipwizhe amba, “Inetu mubena kujila ka?” Ne aye wibakumbwile amba, “Mambo bamufumyamo Nkambo yami, ne amiwa kechi nayuka ko bamutula ne!”

Yoano 20:15

Ne Yesu wamwambijile amba, “Inetu, mujila ka? Mukeba ng'anyi?” Aye walangulukile amba ye ulama bujimi, wamwambijile amba, “Mwane, inge yenu mwamulupula muno, mbulai ko mwamutula, amiwa nkamusende.”

Yoano 20:9

Bajinga kasa bakyangye kuyuka kinembelo, amba kyafwainwa aye akasanguke mu bafu.

Yoano 21:20

Ponkapo Petelo wafutulukile, ne kumona awa mwana wabwanga ye atemenwe Yesu, kasa alondela, yenka wa shakamijile mu kyaji kyanji ku kijiilo, ne kwamba amba, “Nkambo, ng'anyi usa kwimusolola?”

Yoano 21:24

Uno ye yewa mwana wabwanga washimuna bino, ne kwibinemba, kabiji twayuka namba kushimuna kwanji ko kwa kine.

Yoano 21:7

Kabiji awa mwana wabwanga ye atemenwe Yesu wamwambijile Petelo amba, “Ye Nkambo!” Ponkapo Petelo pakumvwa amba, ye Nkambo, wavwajile mukangyo wanji (mambo kechi wavwajile ne,) ne kwitaya pa mema,