Yoano 2:22 - KNTP

²² Kabiji byo a sangwilwe mu bafu, baana banji babwanga bavulukile kino kyo a ambile, ne kwitaba baitabijile kyokya kinembelo, ne kyokya kyambo kyo a ambile Yesu.

Yoano 2:22 Iomraidhean Croise

Luka 24:26

Nanchi kechi kyamufwainwe Kilishitu kumanama bino bintu ne kutwela mu lukumo lwanji nenyi?”

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Yoano 12:16

Bino bintu baana banji babwanga patanshi kechi bebiyukile ne, bino Yesu byo atumbijikilwe, bavulukile bino mo bya mu nembelwa, ne mo byamumwekejile.

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 16:4

Pakuba nemwambila bino bintu, namba mwaka wabyo pakufika, mukavuluke byo nemubujilebyo amiwa. Kabiji bino bintu kechi nemwambijile ku ntendekelo ne, mambo nakijinga nenu.

Yoano 2:11

Ino ntendekelo ya biyukilo byanji Yesu wiyubile mu Kena wa mu Ngalilea, ne kumwesha lukumo lwanji, kepo baana banji babwanga bamwitabijile.

Yoano 2:17

Ne baana banji babwanga bavulukile byo kyanembwa amba, “Lupata lwa ku nzubo yenu lukanja ku muchima.”

Yoano 2:2

ne Yesu naye bamwichile konka ku kijiilo, pamo ne baana banji babwanga.

Byubilo 11:16

Ne amiwa ponkapo navulukile byambo bya Nkambo, byo a ambile amba, ‘Yoano kine wabatizhilenga na mema, pakuba anweba mukabatizhiwa na Mupashi Wazhila.’

Byubilo 13:33

aye wibifikizha kwi atweba baana babo pa kumusangula Yesu mu bafu; namo monka mo kyanembelwa mu Salamo wa bubiji amba,” “Obewa wi Mwanami, jonka ja leelo jino jo nakusema.”