Yoano 2:19 - KNTP

¹⁹ Kumvwa Yesu amba, “Onaunai ino nzubo yazhila, bino mu moba asatu nkeishimukulula.”

Yoano 2:19 Iomraidhean Croise

Mateo 12:40

Mambo byonka byajinga Yona moba asatu, mute ne bufuku, munda mwa jisabi jikatampe; byo akooba ne Mwana Muntu ukekala moba asatu, mute ne bufuku, munda mwa mushiji.

Mateo 16:21

Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 27:40

“Obewa onauna nzubo yazhila ya Lesa, ne kwiishimikulula mu moba asatu! Ipulushe obewa mwine umvwe wi Mwana Lesa, ikila ku musalabu!”

Mateo 27:63

“Mwane nkambo twavuluka byo a ambile awa mujimbijimbi byo akijinga mumi amba, pakupitapo moba asatu ukasanguka.

Mako 14:58

“Twamumvwine kasa amba amba, ‘Nakonsha ku kundula ino nzubo ya Lesa ya shimikwa na maboko, ne mu moba asatu nkashimika ikwabo, ya kubula kushimika na maboko.’ ”

Mako 15:29

Ne abo bapichilenga konka bamubilenga mwenga, kasa benauna ku mitwe yabo, ne kwamba amba, “Obewa onauna nzubo yazhila ya Lesa ne kwiishimikulula mu moba asatu!

Mako 8:31

Kabiji watatwile kwibafunjisha amba, “Kyamufwainwa Mwana Muntu kumanama byavula ne kumukana ku bakulumpe ne ku bang'anga bakatampe ne ku banembeshi ne kumwipaya, kabiji pakupita moba asatu ukasanguka.”

Yoano 11:25

Kumvwa Yesu wamwambijile amba, “Amiwa yami lusanguko ne bumi. Awa wangitabila amiwa, nangwa afwe, ukamona bumi,

Yoano 5:19

Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo.

Byubilo 2:24

Pakuba aye Lesa wamusangwile mu bafu byo apwishishe kumukasulula ku misongo ya lufu, mambo kechi kyakonshekele amba lufu lumulame ne.”

Byubilo 2:32

Uno Yesu bamusangwile kwi Lesa, ne atweba bonse twi batumonyi banji.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Byubilo 3:26

Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”

Byubilo 6:14

Mambo twamumvwine kasa amba amba. Aye Yesu mwina Nazala ukonauna pano pantu ne kwalulula bisela bitupele Mosesa.”

Loma 4:24

Bino byanembejilwe ne atweba pamo bakatelwa amba baoloka, atweba baitabila awa wamusangwile Yesu Nkambo yetu mu bafu.

Loma 6:4

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

Loma 8:11

Mambo umvwe Mupashi wa yewa wasangwile Yesu mu bafu waikala mwi anweba, yenkawa wasangwile Kilishitu Yesu mu bafu ye ukapana bumi ku mibiji yenu ya lufu kupichila mu Mupashi wanji waikala mwi anweba.

1 Kolinda 15:12

Umvwe tusapwila amba, Kilishitu wasangwilwe mu bafu, anweba bamo kika kyo mwambila amba, kafwako lusanguko lwa bafu?

Kolose 2:12

Byo mwazhiikilwe nanji mu lubatizhilo, kabiji imo mo mwasangwilwe nanji monka mu lwitabilo lwenu lwa mu kwingila kwa aye Lesa, yenka wamusangwile mu bafu.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,