Yoano 2:16 - KNTP

¹⁶ Kabiji wa ambijile bapoteshenga ba nkunda amba, “Bifumyaimo bino, kechi mwalule nzubo ya Bataata ke ya busulu ne!”

Yoano 2:16 Iomraidhean Croise

Mateo 21:12

Kabiji Yesu wayile mu nzubo ya Lesa, wibapangilemo bonse bapoteshenga ne bapotelenga mu nzubo ya Lesa. Waalumwine ne matebulu a bapimpwilenga mali ne bipona bya boba bapoteshenga ba nkunda,

Mateo 21:13

ne kwibambila amba, “Kyanembwa amba, Nzubo yami ikatelwa amba nzubo ya milombelo. Pakuba anweba mwiyalula ke jiyengo ja ba tupondo bapukula bintu.”

Mateo 22:5

Pakuba bekipelwile bapalang'ene, umo ku bujimi bwanji mwine, mukwabo ku bintu byanji byo apotesha,

Mako 11:17

Kabiji wibafujishenga ne kwibambila amba, “Nanchi kechi kyanembwa amba, nzubo yami ikatelwa amba, nzubo ya milombelo ya mikoka yonse ya bantu nenyi? Pakuba anweba mwiyalula ke jiyengo ja ba tupondo!”

Luka 2:49

Ne aye wibambijile amba, “Mambo ka kyo mwaji kunkebelanga? Kechi mwayuka amba, nafwainwa kwikala mu nzubo ya Bataata nenyi?”

Yoano 10:29

Bataata beimpele bakila bonse, kafwako wakonsha kwiisompola mukuboko kwa bataata ne.

Yoano 2:15

Ne aye walengele kamama ka mizhinge, wibapangilemo bonse mu kipango kya nzubo ya Lesa, ne mikooko ne bang'ombe. Ponkapo waichijile ne mali a bapimpwilenga ne kwalumuna matebulu abo.

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Yoano 5:17

Kepo Yesu ebakumbwile amba, “Bataata ne jalelo bengila, ne amiwa pamotu nafwainwa kwingila.”

Yoano 8:49

Kumvwa Yesu amba, “Amiwa kechi nji na mudemona ne, pakuba amiwa nebanemeka bataata, ne anweba mwampelula.

1 Timoti 6:5

ne kupachika kwa bantu ba michima yatama babula bukine, kasa balanguluka amba, munema wa kunemeka Lesa mo mwa kumwena bunonshi.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!