Yoano 2:11 - KNTP

¹¹ Ino ntendekelo ya biyukilo byanji Yesu wiyubile mu Kena wa mu Ngalilea, ne kumwesha lukumo lwanji, kepo baana banji babwanga bamwitabijile.

Yoano 2:11 Iomraidhean Croise

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:17

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.

Yoano 1:43

Kabiji byo bwakiile lukelo, aye Yesu wasakile kuya ku Ngalilea. Wataaine Filipa kabiji wamwambijile amba, “Ndondelai.”

Yoano 1:50

Yesu wamwambijile amba, “Ponka po nemubuula namba, ‘Kasa nemumona munshi ya mukuyu’ ko kwitabila ko mwaitabila nyi? Mukamona byakila bino.”

Yoano 10:41

Ne bavula bamupwijile ne kwamba amba, “Yoano kine kechi waubile kiyukilo nangwa kimo ne, pakuba byonse bya ambile Yoano bya ye uno muntu byaji bya kine.”

Yoano 11:15

bino amiwa nasekela byo nabujilweko na mambo a anweba, namba mwitabile. Nangwa byonkabyo twayai ko aji.”

Yoano 11:47

Ponkapo bang'anga bakatampe ne Bafaliseo baikajile kije, ne kwamba amba, “Tube byepi? Mambo uno muntu ubena kuba biyukilo byavula!

Yoano 12:18

Na onkao mambo jibumba ja ka mutundaijile mambo ba umvwine byo aubile kino kiyukilo kya kukumya.

Yoano 12:37

Aye nangwa waubile biyukilo byavula kechi bamwitabijile ne,

Yoano 12:41

Isaya wa ambile bino mambo aye wamwene lukumo lwanji, ne kwamba wa ambile mambo a aye.

Yoano 14:13

Kabiji byonse byo mukalomba mu jizhina jami, nangwa bya byepi, amiwa nkebyuba, namba Bataata batumbijikilwe mu Mwana.

Yoano 16:27

mambo bene bataata bemutemwa mambo anweba mwantemwa, ne kwitabila byo nafumine kwi bataata.

Yoano 16:30

Pano twayuka namba anweba mwayuka byonse, kabiji kechi musakiwa muntu kwimwipuzha ne. Kino kitulengela kwitabila namba anweba mwafumine kwi Lesa.”

Yoano 2:1

Kabiji mu juba ja busatu kwajinga kijiilo kya masongola mu muzhi wa Kena wa mu Ngalilea. Ne inanji Yesu wajinga konka,

Yoano 2:23

Kabiji byo ajinga mu Yelusalema mu moba a kijiilo kya Lupitailo, bavula baitabijile mu jizhina janji byo bamwene biyukilo byo aubilenga.

Yoano 3:2

Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”

Yoano 4:3

Yesu, byo ayukile, wafumineko ku Yudea, wabwelele ku Ngalilea.

Yoano 4:46

Kepo abwelele mu Kena wa mu Ngalilea, konka ko a alulwile mema ke binyu, kabiji ku Kapenama kwajinga ne kinemanga, wajinga na mwananji wamulume wakolelwenga.

Yoano 4:54

Kino kyo kiyukilo kya bubiji kyaubile Yesu byo afumine mu Yudea kwiya mu Ngalilea.

Yoano 5:23

amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.

Yoano 6:14

Ponkapo aba bantu byo bamwene kiyukilo kyo aubile ba ambilenga amba, “Kine uno ye yewa Ngauzhi wa Lesa ye twatengejilenga pano panshi.”

Yoano 6:2

Ne jibumba jikatampe ja mulondejilenga, mambo bamwene biyukilo byo aubilenga ku bakolwa.

Yoano 6:26

Yesu wibakumbwile amba, “Kine, kine, nemwambila namba, mubena kunkeba, kechi na mambo a biyukilo byo mwamwene ne, bino na mambo onka a bashinkwa bo mwajiile ne kwikuta.

Yoano 6:30

Kepo ba mwambijile amba, “Nanchi ng'anyi kiyukilo kyo musa kuba namba twikimone, twimwitabile? Ng'anyi mwingilo ye musa kwingila?

Yoano 7:31

Ne bavula bamu jibumba bamwitabijile, ba ambilenga amba, “Nanchi pa kukeya Kilishitu, ukoba biyukilo byakila mu kuvula kukila bino byo auba uno muntu nyi?”

Yoano 9:16

Kepo bamo Bafaliseo ba ambile amba, “Nanchi awo muntu kechi wa kwa Lesa ne, mambo kechi ulama Sabado ne. Kumvwa bakwabo amba, nanchi muntu ndengamambo akonshe byepi kuuba biyukilo biji bibye?” Ponkapo mwi abo mwabuukile lwabano.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

1 Yoano 5:13

Bino bintu nemunembela anweba mwaitabila mu jizhina ja Mwana Lesa namba muyuke amba tuji na bumi bwa myaka.