Yoano 19:9 - KNTP

⁹ Ne aye watwelele jibiji mu kipango ne kumwipuzha Yesu amba, “Nanchi obewa wafuma pi?” Pakuba Yesu kechi wamukumbwile ne.

Yoano 19:9 Iomraidhean Croise

Mateo 26:63

Kabiji Yesu wazhindaminepotu. Ne aye ng'anga mukatampe wamwambijile amba, “Nakuchipisha kwi Lesa mumi, tubuule kana yobe Kilishitu Mwana Lesa?”

Mateo 27:27

Ponkapo bashilikale bakwa ndamakyalo, bamutwajile Yesu mu kipango kya ndamakyalo, ne kwita bonse bamu kiombe kyabo.

Luka 23:9

Ponkapo Heloda wamwipwizhe Yesu mepuzho avula, bino Yesu kechi wakumbwile ne.

Yoano 18:28

Kabiji Yesu bamufumishe kwi Kaifasa, ne kumutwala mu kipango kya ndamakyalo. Pano kwaji ke kumakya, pakuba abo bene kechi batwelele mu kipango kya ndamakyalo ne, bachiine kwizhilulula, kabiji amba, bakaje kijiilo kya Lupitailo.

Yoano 18:33

Ponkapo Pilato watwelele jibiji mu kipango, ne kumwita wamwichile Yesu, ne kumwambila amba, “Obewa yobe Mfumu wa Bayudea nyi?”

Yoano 18:34

Kumvwa Yesu amba, “Anweba bene mwiambila kino kintu nyi, inyi bakwabo bemubulakyo?”

Yoano 18:37

Kumvwa Pilato wamwambijile amba, “Nanchi obewa wi mfumu nyi?” Kumvwa Yesu amba, “Anweba mwafikilapotu amba, ‘Wi mfumu.’ O mambo o nasemenwe, ne o naishijile pano pantanda, namba nshimune bya bukine. Ne bonse ba bukine bomvwa jiwi jami.”

Yoano 19:10

Kabiji Pilato wamwambijile amba, “Ne kunkumbula amiwa nenyi? Obewa kechi wayuka byo nji na luusa lwa ku kukasulula, nangwa lwa kukupopa pa musalabu nenyi?”

Yoano 19:8

Ponkapo Pilato byo a umvwine byo byo, wa umvwine moyo mukatampe.

Yoano 8:14

Kumvwa Yesu wibambijile amba, “Nangwa mbena kwishimuna amiwa mwine, kushimuna kwami ko kwa kine, ke pakuba nayuka ne konafuma, ne kongya, pakuba anweba kechi mwayuka konafumine ne, nangwa kongya ne.

Filipai 1:28

Ne kulengeshiwa moyo nangwa mu kintu kimo ku bemulwisha ne; a kyo kikekala kwi abo ke kayukilo ka lonaiko, pakuba kwi anweba kikekala ke kayukilo ka lupulukilo, lwafuma kwi Lesa.