Yoano 19:6 - KNTP

⁶ Abo bang'anga bakatampe ne bakalama pa kumumona, babijikile amba, “Mupopai pa musalabu, mupopai pa musalabu!” Pilato wibambijile amba, “Musendai anweba, mukamupope pa musalabu. Pakuba amiwa kechi namonamo mambo mwi aye ne.”

Yoano 19:6 Iomraidhean Croise

Mateo 26:58

Kabiji Petelo wamulondejilenga katwezhimina ne ku kipango kya ng'anga mukatampe, watwelele monka, waikele na bakalama amba, mmone mo bisa kupwila.

Mateo 27:22

Pilato wibambijile amba, “Nanchi ikika kyo nsakumuuba Yesu, yebateela amba, Kilishitu?” Kumvwa bonse amba, “Bamupope pa musalabu.”

Mateo 27:24

Kabiji Pilato pa kumona amba kechi wamona mwa kwibakayinya ne, kabiji kiwowo kikatampe ke kibuuke, watambwile mema ka owe ku maboko ku meso a jibumba amba, “Nefungako mu ano mashi a yiwe muntu waoloka! Mambo enu anweba bene!”

Luka 23:4

Ponkapo Pilato wibambijile bang'anga bakatampe ne mabumba amba, “Kechi naatana mambo mu ye uno muntu ne.”

Yoano 18:3

Ponkapo Yudasa, byo atambwile kiombe kya bashilikale, ne bakalama ku bang'anga bakatampe ne Bafaliseo, ke beye konka na malampi ne masoko a mujilo ne bilwilo.

Yoano 18:31

Kumvwa Pilato wibambijile amba, “Musendai anweba bene, mukamuchibile mambo mwayila mizhilo yenu.” Kumvwa Bayudea amba, “Kechi tuji na luusa lwa kwipaya muntu ne.”

Yoano 18:38

Kumvwa Pilato wamwambijile amba, “Nanchi bukine bo buka?” Byo a ambile byo bino, Pilato walupukile jibiji kwiya ku Bayudea, ne kwibambila amba, “Amiwa kechi namona mambo mwi aye ne.

Yoano 19:15

Ne abo babijikile ne kwamba amba, “Bamutwale! Bamutwale! Kamupopai pa musalabu!” Kumvwa Pilato amba, “Mfumu wenu namupope pa musalabu nyi?” Kumvwa bang'anga bakatampe ba ambile amba, “Kechi tuji na mfumu ne, poso yenka Kesala!”

Yoano 19:4

Ne Pilato walupukile pangye jibiji, ne kwibambila amba, “Talai mbena kumuleeta kwi anweba, namba muyuke amba, amiwa kechi namonamo mambo mwi aye ne.”

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 7:52

Ng'anyi ngauzhi ye babujile kupata bashakulu benu? Kabiji bebepayile ba ambilejilenga jimo na mambo a kwiya kwa aye Mololoke. Kabiji anweba pano yenu mwamusolola ne kumwipaya.