Yoano 19:11 - KNTP

¹¹ Kumvwa Yesu wamwambijile amba, “Kechi uji na luusa pe amiwa ne, poso wapewalo kwiulu. Onkao mambo awa wamfikizha kwi anweba ye uji na mambo akila.”

Yoano 19:11 Iomraidhean Croise

Mateo 26:65

Ponkapo ng'anga mukatampe watabwile bivwalo byanji amba, “Wamuuba Lesa mwenga! Ikika kyo tusakila batumonyi? Talai, pano mwaumvwa mwenga wanji!

Mateo 27:2

Kepo bamukashile kabiji bamutwajile ne kumupana kwi Pilato, ndamakyalo.

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Mako 14:44

Kabiji awa wamusolwele wibabujiile jimo kayukilo amba, “Yenkawa ye nkafyompa i ye, mumukwate. Mumutwale ne kumulama bulongo.”

Luka 22:53

Byo najinga nenu moba onse mu nzubo ya Lesa, kechi mwatanyikile maboko enu amba munkwate ne, pakuba pano kyo kimye kyenu ne kya luusa lwa mfishi.”

Yoano 18:13

ke bamutwale patanshi kwi Anasa, mambo ye wajinga shanjivyala Kaifasa, ng'anga mukatampe mu yewa mwaka.

Yoano 18:3

Ponkapo Yudasa, byo atambwile kiombe kya bashilikale, ne bakalama ku bang'anga bakatampe ne Bafaliseo, ke beye konka na malampi ne masoko a mujilo ne bilwilo.

Yoano 19:10

Kabiji Pilato wamwambijile amba, “Ne kunkumbula amiwa nenyi? Obewa kechi wayuka byo nji na luusa lwa ku kukasulula, nangwa lwa kukupopa pa musalabu nenyi?”

Yoano 3:27

Kumvwa Yoano amba, “Muntu kechi wakonsha kutambula nangwa kimotu ne, poso wapewakyo kufuma mwiulu.

Yoano 7:30

Kepo basakile kumukwata, bino kafwako wamukwachile ne, mambo kimye kyanji kyaji kikyangye kufika.

Yoano 9:41

Kumvwa Yesu wibambijile amba, “Inge mwajinga bampofu, inge kechi muji na mambo ne, pakuba pano byo mwamba amba tumona, kwapwa! Mukiji na mambo ne pano.”

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 3:13

Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula.

Byubilo 4:28

Kumuba byonse byo mwafukwijile jimo kuuba na bulume bwenu.

Loma 11:36

Mambo byonse bifuma mwi aye, kabiji byalengelwe kwi aye, ne kwikala byamwikajila aye yenka. Lukumo lwikale kwi aye myaka ne myaka! Amena.

Loma 13:1

Bantu bonse bakookele bakulumpe balama kyalo. Mambo kafwako bukulumpetu ne, poso bufuma kwi Lesa, kabiji ne abo baji naabo bebatongola kwi Lesa.

Yakoba 1:17

Bya bupe byonse byawama ne bya bupe byonse byalumbuluka bifuma mwiulu; kasa biikila panshi kufuma kwi Taata wa byeya, ye ubula kwaluka nangwa kuuba kimvule pa kwaluluka.

Yakoba 4:17

Byonkabyo awa wayuka kuuba kyawama, umvwe ne kwikyuba ne, walenga mambo.