Yoano 18:4 - KNTP

⁴ Yesu byo ayukile byonse bisa kumumwekela, walupukile ne kwibambila amba, “Ing'anyi ye mukeba?”

Yoano 18:4 Iomraidhean Croise

Mateo 16:21

Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 26:2

“Anweba mwayuka amba pakupita moba abiji ke Kijiilo kya Lupitailo, ne Mwana Muntu bakamusolola amba bakamupope pa musalabu.”

Mateo 26:21

Kabiji byo bajiilenga, wibambijile amba, “Kine nemwambila namba, paji umo wa mwi anweba ukansolola.”

Mateo 26:31

Ponkapo Yesu wibambijile amba, “Bufuku bwa leelo anweba bonse musakwituntula pe amiwa, mambo kyanembwa amba, ‘Nkepaya kafunga, ne kisaka kya mikooko kikapalang'ena mungye.’

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Yoano 13:1

Pano kijiilo kya Lupitailo kasa kikyangye kufika, Yesu wayukile amba, kimye kyami kyafika kya kufuma pano pantanda ne kuya kwi bataata. Byo atemenwe ba kwanji bajinga pano pantanda, aye wibatemenwe ne kumpelo.

Yoano 13:11

Ke pakuba aye wamuyukile ukamusolola, o mambo oa ambijile amba, “Kechi mwatoka bonse ne.”

Yoano 18:5

Kumvwa abo amba, “Yesu mwina Nazala.” Kepo Yesu ebambijile amba, “Amiwa bano.” Ne Yudasa naye yenka wamusolwele, waimene naabo.

Yoano 18:7

Kabiji aye wibepwizhe jibiji amba, “Ng'anyi ye mukeba?” Kumvwa abo bamukumbwile amba, “Yesu mwina Nazala.”

Yoano 19:28

Bino byo byapwile, Yesu wayukile amba, pano byonse byapwa, wa ambile amba, “Nafwa kilaka,” mambo a kuuba amba kinembelo kifike.

Yoano 6:64

Bino mo baji bamo ba mwi anweba babula kwitabila.” Ke pakuba Yesu wayukijile jimo ne ku ntendekelo babula kwitabila, ne aye ukamusolola.

Byubilo 2:28

Mwangyukisha ne mashinda a bumi, mukangyuzha na lusekelo mambo muji ne amiwa.

1 Petelo 4:1

Byonka byo amanamine Kilishitu mu mubiji, ne anweba vwalai bya nkondo na muchima wa byonkabyo, mambo aye wamanama mu mubiji ye waleka kulenga mambo.