Yoano 17:9 - KNTP

⁹ “Amiwa mbena kwibalombelela abo. Kechi nebalombelela ba pano pantanda ne, poso bonka bomwampele, mambo bo benu.

Yoano 17:9 Iomraidhean Croise

Luka 22:32

Bino amiwa nakulombelela obewa namba, lwitabilo lobe kechi lupwe ne. Ne obewa, pa kwaluluka jibiji, ukoseshe bakwenu.”

Luka 23:34

Kabiji Yesu wa ambile amba, “Taata! Balekelaiko mambo, mambo kechi bayuka kyo babena kuuba ne.” Kabiji ne abo kasa bataaya bubale bwa kwiabenya bivwalo byanji.

Luka 8:34

Bajishishenga bankumba byo bamwene kyamwekele, banyemene lubilo kasa babulang'ana mu muzhi ne mu majimi.

Yoano 14:16

Ne amiwa nkalomba Bataata, ne abo bakemupa Nkwasho mukwabo, ye ukekala nenu myaka yonse.

Yoano 17:2

Mambo mwamupele luusa lwa pa bantu bonse, pakuba amba akapane bumi bwa myaka ku bonse bo mwamupele.

Yoano 17:20

“Kabiji kechi nebalombelela abo bonka ne, pakuba ne abo bakangitabila amiwa na byambo byabo.

Yoano 17:6

“Nasolwele jizhina jenu kwi aba bantu bomwampele mu ba pano pantanda. Bajinga ba kwenu, ne anweba mwibampele ne abo balama mambo enu.

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Yoano 6:39

Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

Bahebelu 9:24

Mambo Kilishitu kechi watwelele Mwazhila mwalengwa na maboko ne, mwapashang'ana na mwa kine ne. Kana mwiulu mwine, mo etumwekela ku meso a Lesa.

1 Yoano 5:19

Twayuka namba twibakwa Lesa, nangwa ntanda yonse iji mu bulume bwa kwa aye mubi.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.