Yoano 17:6 - KNTP

⁶ “Nasolwele jizhina jenu kwi aba bantu bomwampele mu ba pano pantanda. Bajinga ba kwenu, ne anweba mwibampele ne abo balama mambo enu.

Yoano 17:6 Iomraidhean Croise

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 12:28

Taata, tumbijikai jizhina jenu!” Ponkapo mwafumine jiwi mwiulu amba, “Nejitumbijika kala, kabiji nkejitumbijika ne jibiji!”

Yoano 15:19

Inge mwajinga ba pano pantanda inge ba pano pantanda bemutemwa, mambo batemwa babo bene. Pakuba anweba byo mwabula ba pano pantanda, ne amiwa nemusalulula mu ba pano pantanda, ba pano pantanda bemushikwa,

Yoano 15:3

Pano anweba mwatoka kala na mambo a byambo byo nemwambila.

Yoano 15:7

Inge mwaikala mwi amiwa, ne byambo byami byaikala mwi anweba, lombai kyo musaka nangwa ki ka, kabiji kikemubilwa.

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Yoano 17:14

Amiwa nebapele mambo enu, ne ba pano pantanda bebashikwa, mambo abo kechi bo ba pano pantanda ne, byonka byo nji amiwa kechi ne wa pano pantanda ne.

Yoano 17:16

Abo kechi bo ba pano pantanda ne, byonka byo nji amiwa kechi ne wa pano pantanda ne.

Yoano 17:2

Mambo mwamupele luusa lwa pa bantu bonse, pakuba amba akapane bumi bwa myaka ku bonse bo mwamupele.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 17:26

Ne amiwa nebayukisha jizhina jenu, kabiji nkejiyukanyikisha namba butemwe bo mwantemwa amiwa bwikale mwi abo, ne amiwa monka mwi abo.”

Yoano 17:7

Pano bayuka amba, byonse byo mwampele, byafuma kwi anweba.

Yoano 18:9

(Amba byambo bifike byo a ambile amba, “Aba bomwampele kechi naelelepo nangwa umo ne.”)

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Yoano 6:39

Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako.

Yoano 8:51

Kine, kine nemwambila namba, umvwe muntu walama mambo ami, kechi ukamona lufu myaka ne myaka nangwa pacheche ne.”

Yoano 8:52

Kumvwa Bayudea ba mwambijile amba, “Pano twayuka namba muji na mudemona! Abulahama wafwile, ne bangauzhi nabo, pakuba anweba amba, umvwe muntu walama mambo ami kechi ukamona lufu myaka ne myaka nangwa pacheche ne.

Byubilo 13:48

Ne Bangentila byo ba umvwine bino basekejile bingi ne kwiatumbijika mambo a Nkambo, kabiji mo bavujile batongwejilwe bumi bwa myaka baitabijile.

Loma 11:2

Aye Lesa kechi wataya bantu banji boayukijile jimo ne. Mambo kechi mwayuka byaamba kinembelo byo kyaamba mambo a Elaija nyi? Byoebemejileko bena Isalela kwi aye Lesa amba,

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Kolose 3:16

Lekai mambo a Kilishitu ekajishetu avula mwi anweba. Mu maana onse kasa mwifunjisha anweba bene na bene na masalamo ne nyimbo ya kutota ne nyimbo ya bumupashi, kasa musanta mu michima yenu kwi Lesa.

2 Timoti 1:13

Kwachisha kuyewa musango wa byambo byalumbuluka, byo wa umvwine kwi amiwa monka mu lwitabilo ne mu butemwe buji mwi Kilishitu Yesu.

Bahebelu 2:12

Amba, “Nkasolola jizhina jenu ku balongo bami; Nkemwimbila ya kwimutota mu kipwilo.”

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

1 Petelo 1:1

Petelo, mutumwa wa Yesu Kilishitu. Ku basalululwa bapalang'enamo baikala bwenyi mu Pontusa, ne mu Ngalatiya, ne mu Kapadokya, ne mu Asha, ne mu Bitinya.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 3:8

Nayuka mingilo yobe. Pano umvwa! Na kushinkwila kibelo kyashi ku meso obe, kafwako wakonsha kwikishinka nangwa umo ne. Nayuka namba, obewa uji na ka bulume kacheche, kabiji wakookela mafunjisho ami, ne kukana jizhina jami ne.