Yoano 17:5 - KNTP

⁵ Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Yoano 17:5 Iomraidhean Croise

Mateo 25:34

Ponkapo Mfumu ukebambila ba ku kilujo kyanji amba iyai, anweba mwapeshiwa kwi Bataata! Swanai bufumu bo emutujila kufuma ku ntendekelo ya pano pantanda.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 10:30

Amiwa ne bataata twi umo.”

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 17:1

Yesu byo apwishishe kwamba bino bintu, wainwine meso anji ne kutala mwiulu ne kwamba amba, “Taata, kimye kyafika. Mu mutumbijike Mwanenu, amba, Mwana naye emutumbijike.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 3:13

Kafwako muntu wakanjijilemo mwiulu ne, poso yenka waikijile mwiulu, aye Mwana Muntu.”

Yoano 8:58

Kumvwa Yesu wibambijile amba, “Kine, kine nemwambila namba, Abulahama byo ajinga ukyangye, amiwa kasa njipo.”

Filipai 2:6

Aye nangwa waikajile mu musango wa bu Lesa, kechi walangulukile amba, kwesakana na Lesa kyo kintu kya kukakachila ne.

Bahebelu 1:10

Kabiji amba, “Obewa, Nkambo, mu ntendekelo waajile kitendekesho kya pano pantanda, ne mwiulu namo, yo mingilo ya maboko obe.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

1 Petelo 1:20

Ye basalulwijile jimo pano pantanda kasa pakyangye kulengwa, pakuba wasololwa kuno kumpelo ya myaka na mambo a anweba.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Yoano 1:2

Ne abwa Bumi bwamwekele, kabiji twibumona, ne kushimuna twibushimuna, ne kwimubuula anweba abwa Bumi bwa myaka ne myaka, bo bwajinga ne Taata kabiji be bumwesheshe ne kwi atweba.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.