Yoano 17:3 - KNTP

³ Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 17:3 Iomraidhean Croise

Mako 9:37

“Awa ukatambula kamo kanyike pamo biji kano mu jizhina jami, wantambula amiwa, ne aye wantambula amiwa, kechi utambulatu amiwa yenka ne, kana ne aye wantuma.”

Luka 9:48

ne kwibambila amba, “Yense wa kumutambula uno mwana mu jizhina jami wantambula amiwa, ne wantambula amiwa wamutambula ne wantumine. Mambo awa wapelaako mwi anweba ye mukatampe.”

Yoano 10:36

Anweba munena ye bazhijika, watumwa kwi bataata pano pantanda amba, wamuuba mwenga Lesa byo najikwamba namba, amiwa ne Mwana Lesa nyi?

Yoano 11:42

Kabiji nayuka byo mukelwa kung'umvwa, pakuba na mambo a bantu baimana pano ko kwamba ko naamba namba betabile byo mwantuma.”

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 17:18

Byonka byo mwantumine pano pantanda, byonkabyo ne amiwa nebatuma pano pantanda.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 17:23

Amiwa monka mwi abo, ne anweba mwi amiwa, namba balumbuluke ke umo, namba ba pano pantanda bayuke amba, yenu mwantumine, ne kwibatemwa abo byonka byo mwantemwa amiwa.

Yoano 17:25

Anweba Taata waoloka! Ba pano pantanda kechi bemuyuka ne, pakuba amiwa nemuyuka, ne bano bayuka amba mwantumine.

Yoano 17:8

Mambo nebapele byambo byo mwampele, kabiji bebitambula, ne kuyuka bayuka kine byo nafumine kwenu, kabiji baitaba amba, yenu mwantumine.

Yoano 3:17

Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Yoano 5:44

Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne?

Yoano 6:57

Byo bantumine abo bataata ba bumi, ne amiwa mbena kumwena bumi monka mwi bataata. Byonkabo awa unja amiwa, ne aye naye ukamwena bumi monka mwi amiwa.

Yoano 7:29

amiwa yami namuyuka, mambo nafuma ko aji, ne aye ye wantuma.”

Yoano 8:19

Ponkapo ba mwambijile amba, “Nanchi bashenu baji pi?” Kumvwa Yesu amba, “Kechi mwangyuka amiwa ne, nangwa kwibayuka bataata ne, inge mwaji kungyuka amiwa, inge mwibayuka ne bataata.”

1 Kolinda 15:34

Buukai mwikale batekanya ne baoloka. Mambo bamo kechi bamuyuka Lesa ne, naamba bino namba nemulengeshe bumvu.

1 Kolinda 8:4

Na mambo a mwayila kajo ko batapisha ku bankishi, twayuka namba nkishi kechi kyo kintu pano pantanda ne, kabiji kechi kujipo Lesa mukwabo ne, kana umo yenka.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Filipai 3:10

Namba namuyuke kabiji ngyuke ne bulume bwa lusanguko lwanji, ne lumvwang'ano lwa mu bya kumanama kwanji, namba ngikale na lufu lwapashang'ana na lufu lwanji,

Filipai 3:8

Kine, ne bimona byonse ke byatu na mambo a kuwama kwa muneema wa kumuyuka Kilishitu Yesu Nkambo yami. Na mambo a aye naswa kuleka ne kutaya byonse ne kwibimona nobe binchatu, namba mmwenemo Kilishitu

Tesalonika 1:9

Mambo abo bene babulang'ana motwaikajile mwenu, ne byo mwaalulukijile kwi Lesa ne kuvundamina ku bankishi, mu kwingijila Lesa mumi ne wa kine

2 Tesalonika 1:8

mu mujilo uteema, kasa ashinkanya naabo babula kukookela Mambo Awama a Nkambo yetu Yesu.

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

2 Petelo 1:2

Bupe ne mutende bimuvujile anweba mu maana a kuyuka Lesa ne Yesu Nkambo yetu.

2 Petelo 1:3

Bulume bwanji bwa bu Lesa bwitupa byonse bya kwitukwasha mu bumi ne mu kunemeka Lesa kwetu, monka mu maana a kumuyuka aye witwichile mu lukumo lwanji mwine ne mu kulumbuluka kwanji.

2 Petelo 1:8

Mambo umvwe bino bintu muji nabyo ne kuvula byavula, kechi mukekalatu ne, nangwa kubula kupanga bipangwa bya maana a kumuyuka Nkambo yetu Yesu Kilishitu ne.

1 Yoano 1:2

Ne abwa Bumi bwamwekele, kabiji twibumona, ne kushimuna twibushimuna, ne kwimubuula anweba abwa Bumi bwa myaka ne myaka, bo bwajinga ne Taata kabiji be bumwesheshe ne kwi atweba.

1 Yoano 1:3

Akya kyo twamwene ne kumvwa, twimubuula ne anweba, namba mwikale pamo ne atweba mu lumvwang'ano lotuji naalo ne Taata ne Mwananji Yesu Kilishitu.

1 Yoano 2:23

Mambo bonse bakana Mwana bakana ne Taata; abo bamwitabila Mwana baji ne Taata pamo.

1 Yoano 4:6

Atweba twibakwa Lesa. Aye wamuyuka Lesa witumvwa atweba, aye wabula kwikala wakwa Lesa kechi witumvwa atweba ne. Mukino mo motwayukila Mupashi wa bukine ne mupashi wa bubela.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.