Yoano 17:1 - KNTP

¹ Yesu byo apwishishe kwamba bino bintu, wainwine meso anji ne kutala mwiulu ne kwamba amba, “Taata, kimye kyafika. Mu mutumbijike Mwanenu, amba, Mwana naye emutumbijike.

Yoano 17:1 Iomraidhean Croise

Mako 14:41

Kabiji waishile jabusatu, ne kwibambila amba, “Ne pano mwakilaala na kukokoloka nyi? Kyawama! Kimye kyafikila! Talai, Mwana Muntu ubena kusololwa mu maboko a bandengamambo.

Luka 18:13

Pakuba aye musonkeshi, byo aimene kwalepa, ne kusaka nangwa kwinuna meso anji kwiulu ne, wipuminenga pa kyaji kyanji amba, ‘Lesa, mungubile lusa, ne ndengamambo!’”

Luka 22:53

Byo najinga nenu moba onse mu nzubo ya Lesa, kechi mwatanyikile maboko enu amba munkwate ne, pakuba pano kyo kimye kyenu ne kya luusa lwa mfishi.”

Yoano 11:4

Yesu byo a umvwine byo byo wa ambile amba, “Bino bikola kechi bya ku lufu ne, byo bya lukumo lwa Lesa, amba Mwana Lesa atumbijikilwemo.”

Yoano 11:41

Kepo bafumisheko jibwe. Ponkapo Yesu wainwine meso anji, ne kwamba amba, “Taata, nemusanchila byo mwang'umvwa.

Yoano 12:23

Kumvwa Yesu wibambijile amba, “Kimye kyafika kya kutumbijikwa Mwana Muntu.

Yoano 13:1

Pano kijiilo kya Lupitailo kasa kikyangye kufika, Yesu wayukile amba, kimye kyami kyafika kya kufuma pano pantanda ne kuya kwi bataata. Byo atemenwe ba kwanji bajinga pano pantanda, aye wibatemenwe ne kumpelo.

Yoano 16:32

Talai, juba jibena kwiya, kine, jafika kala, jo mukapalang'enamo mpala mpala kwenu, ne kunsha bunke bwami. Kabiji byonkabyo kechi nji bunke ne, mambo bataata bo baji ne amiwa.”

Yoano 7:30

Kepo basakile kumukwata, bino kafwako wamukwachile ne, mambo kimye kyanji kyaji kikyangye kufika.

Yoano 7:39

Pakuba byo a ambile bino watazhizhe ku Mupashi ye bakatumbula aba bamwitabila. Mambo Mupashi waji ukyangye kupanwa, mambo Yesu waji ukyangye kutumbijikwa.

Yoano 8:20

Bino byambo wibyambile mo balambwila, byo afunjishenga mu nzubo ya Lesa, byonkabo kafwako wamukwachile ne, mambo kimye kyanji kyaji kikyangye kufika.

Byubilo 3:13

Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.