Yoano 16:5 - KNTP

⁵ Pakuba pano kangye kwi aye wantumine, bino kafwako nangwa umo wa mwi anweba wangipuzha kombena kuya ne.

Yoano 16:5 Iomraidhean Croise

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 13:36

Kumvwa Shimona Petelo wamwambijile amba, “Nkambo, mubena kuya kwepi?” Kumvwa Yesu amba, “Kongya amiwa, kechi mukonshe kundondela pa kino kimye ne, pakuba musa kuka ndondela palutwe.”

Yoano 14:28

“Anweba mwaji kumvwa byo naji kwimwambila namba, ‘Amiwa mbena kuya, kabiji nkabwela kwi anweba.’ Inge mwantemwa, inge mwasekela, mambo mbena kuya kwi Bataata, mambo Bataata bo bankila.

Yoano 16:10

na mambo a bololoke, mambo amiwa mbena kuya kwi bataata, ne anweba kechi mukammone jibiji ne,

Yoano 16:16

Kwashala pacheche, ne anweba kechi mukammona ne, kabiji pa kimye kikwabo palutwe pacheche, mukammona.

Yoano 16:17

Ponkapo bamo baana banji babwanga beipwizhenga bene na bene amba, “Nanchi kino kyayila mu ka kyo e twambila amba, pashala pacheche, ne anweba kechi mukammona ne, kabiji pa kimye kikwabo kicheche, mukammona, kabiji amba, mambo ngya kwi bataata?”

Yoano 16:28

Amiwa nafumine kwi bataata, naiya pano pantanda, kabiji mbena kufuma pano pantanda, ne kuya kwi bataata.”

Yoano 17:13

Pakuba pano mbena kwiya kwi anweba, kabiji bino nebyamba pano pantanda namba, bekale na lusekelo lwami kasa lwafikila mu michima yabo.

Yoano 17:4

Amiwa nemutumbijika pano panshi, byo napwisha mingilo yo mwampele amba neyube.

Yoano 6:62

Nanchi inge mukamone Mwana Muntu sa akanjila ko ajinga kala mukoba byepi?

Yoano 7:33

Ponkapo Yesu wibambijile amba, “Nji ne anweba ka kimye kacheche, kabiji nkaya kwi aye wantuma.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.