Yoano 16:3 - KNTP

³ Ne bino bintu bakebyuba, mambo kechi bebayuka bataata nangwa amiwa ne.

Yoano 16:3 Iomraidhean Croise

Luka 10:22

“Bataata bampele amiwa bintu byonse, kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Yoano 15:21

Pakuba bakemuuba bino byonse na mambo a jizhina jami, mambo kechi bamuyuka aye wantumine ne.

Yoano 15:23

Awa wanshikwa amiwa washikwa ne bataata pamo.

Yoano 17:25

Anweba Taata waoloka! Ba pano pantanda kechi bemuyuka ne, pakuba amiwa nemuyuka, ne bano bayuka amba mwantumine.

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 8:19

Ponkapo ba mwambijile amba, “Nanchi bashenu baji pi?” Kumvwa Yesu amba, “Kechi mwangyuka amiwa ne, nangwa kwibayuka bataata ne, inge mwaji kungyuka amiwa, inge mwibayuka ne bataata.”

Yoano 8:55

Kechi mwibayuka ne, pakuba amiwa nebayuka. Kabiji inge ng'ambe namba, kechi nebayuka ne, abya nsakwikala ke wa bubela pamo ne anweba. Pakuba amiwa nebayuka, ne mambo abo nealama.

Byubilo 3:17

“Byonkabyo anweba bakwetu nayuka namba, mwikyubile na bakulumpe benu pamo na mambo a kubula kuyuka.

1 Kolinda 2:8

Ao maana, kafwako nangwa umo ndamakyalo wa pano pantanda wiayukile ne, mambo umvwe beayukile, inge kechi bamupopele pa musalabu Nkambo wa lukumo ne.

2 Tesalonika 1:8

mu mujilo uteema, kasa ashinkanya naabo babula kukookela Mambo Awama a Nkambo yetu Yesu.

1 Timoti 1:13

nangwa kala amiwa najinga wa mwenga, wa lupato kabiji washiinta. Bino nangwa byonkabyo namwene lusa, mambo nebyubile mu bulubi monka mu kubula kwitabila kwami.

1 Yoano 2:23

Mambo bonse bakana Mwana bakana ne Taata; abo bamwitabila Mwana baji ne Taata pamo.

1 Yoano 3:1

Talai yewa musango wa butemwe bo etutemwa naabo Taata, byo twateelwa amba baana ba Lesa, kabiji kine byobyo tuji. Naonka ano mambo ba pano pantanda kechi betuyuka ne mambo ne Aye kechi bamuyukile ne.

1 Yoano 4:8

Awa wabula kutemwang'ana kechi wamuyuka Lesa ne, mambo Lesa ye butemwe.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.