Yoano 16:11 - KNTP

¹¹ na mambo a bunchiba mambo, mambo mfumu wa pano pantanda wachibilwao ne kuzhatwa.

Yoano 16:11 Iomraidhean Croise

Mateo 12:18

“Talai, wamwingilo wami ye nasalulula, mutemwe wami, moamwena lusekelo muchima wami. Nkabika Mupashi wami pe aye, ne aye ukebabuula Bangentila bunchiba mambo bwaoloka.

Mateo 12:36

“Kabiji nemwambila namba, byambo byonse byatu byo ba amba bantu, bakebitotolola mu juba ja kije.

Luka 10:18

Ne aye wibambijile amba, “Namwene Satana byo aponene kufuma mwiulu nobe kubeesha kwa mvula.

Yoano 12:31

Pano kino kyo kimye kya kuzhatwa kwa pano pantanda, pano mfumu wa pano pantanda ukapangwa.

Yoano 14:30

Pano kechi ng'ambe nenu byavula ne, mambo mfumu wa pano pantanda kaiye. Aye kechi uji na luusa pe amiwa ne,

Yoano 16:12

Amiwa nji na bintu byavula bya kwimubula, bino kechi mwakonsha kwibitambula katataka ne.

Byubilo 10:42

Kabiji ye witulayile amba, mukebasapwile bantu, ne kunshimuna amba, ye mwine ye atongola Lesa amba akekale wa kwibachibila mambo bomi ne bafu.

Byubilo 24:25

Kabiji byo a ambilenga naabo mambo a bololoke, ne a butekanye, ne a kije kikeya, Felikisa ke moyo mukatampe amba, “Pano aki yanga; kabiji kana namona kimye kyafwainwa nkakwita konji.”

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Loma 16:20

Ne aye Lesa wa mutende ukamuchakakanya Satana munshi ya maulu enu palutwe kacheche. Bupe bwa Nkambo yetu Yesu Kilishitu bwikale ne anweba.

Loma 2:16

Mu joja juba aye Lesa joakebachibila bantu byafyamika byabo konka kwi Kilishitu Yesu, monka mwayila Mambo ami Awama.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Kolose 2:15

Kabiji wibangachile bilwilo byabo byonse bapashi ba bulume ne ba luusa, ne kwibamwesha bumvu patoka ne kwi bashinjila ponka pa musalabu.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Bahebelu 6:2

nangwa kya mafunjisho a lubatizhilo ne bya kutenteka maboko, bya lusanguko lwa bafu, ne bya luzhachisho lwa myaka ne.

Bahebelu 9:27

Kabiji byonka byo kibatongwelwa bantu kufwa jimo jonka bino palutwe kuya ku kije.

2 Petelo 3:7

Pakuba bya mwiulu bya katataka ne ntanda, byalaminwa mujilo ku jiwi jimo jonka, kupembela juba ja kije ne ja lonaiko lwa bantu babula kwakamwa Lesa.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

Lumwekesho 1:7

Talai, aye ubena kwiya na makumbi! Ne meso onse akamumona, pamo ne aba bamwashile. Ne mikoka yonse ya pano pantanda ikajila mabingo na mambo a aye. Byonkabyo, Amena!