Yoano 16:10 - KNTP

¹⁰ na mambo a bololoke, mambo amiwa mbena kuya kwi bataata, ne anweba kechi mukammone jibiji ne,

Yoano 16:10 Iomraidhean Croise

Yoano 16:28

Amiwa nafumine kwi bataata, naiya pano pantanda, kabiji mbena kufuma pano pantanda, ne kuya kwi bataata.”

Yoano 16:5

Pakuba pano kangye kwi aye wantumine, bino kafwako nangwa umo wa mwi anweba wangipuzha kombena kuya ne.

Yoano 3:14

Kabiji byonka byaimikile Mosesa mulolo mungyetu, byo kyafwainwa ne Mwana Muntu akemikwe byonkabya,

Yoano 5:32

Ko aji mukwabo unshimuna, ne amiwa nayuka namba, byo anshimuna byo bya kine.

Yoano 7:33

Ponkapo Yesu wibambijile amba, “Nji ne anweba ka kimye kacheche, kabiji nkaya kwi aye wantuma.

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

Byubilo 2:32

Uno Yesu bamusangwile kwi Lesa, ne atweba bonse twi batumonyi banji.

Byubilo 3:14

Pakuba anweba mwamukaine yenkaye Wazhila ne Waoloka, mwasakile amba bemupeeko mbanzhi,

Byubilo 7:52

Ng'anyi ngauzhi ye babujile kupata bashakulu benu? Kabiji bebepayile ba ambilejilenga jimo na mambo a kwiya kwa aye Mololoke. Kabiji anweba pano yenu mwamusolola ne kumwipaya.

Loma 1:17

Mambo mo mumwekela bololoke bwa Lesa bwa mu lwitabilo ku lwitabilo, monka mo kyanembelwa amba, “Mololoke ukamwena bumi ku lwitabilo.”

1 Kolinda 1:30

Mambo aye ye wimwikazha monka mwi Kilishitu Yesu, ye aalwile Lesa amba ekale ke maana etu, ne bololoke bwetu, ne kuzhijikwa kwetu, ne bukuuzhi bwetu.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 5:5

Mambo atweba mo mu Mupashi mo tutengela na lwitabilo akya kyo twaketekela kumona, kikeshila mu bololoke.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,