Yoano 15:6 - KNTP

⁶ Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Yoano 15:6 Iomraidhean Croise

Mateo 13:41

Mwana Muntu ukatuma bamalaika banji, bakebipwizha pamo bintu byonse bya mu bufumu bwanji bya kwituntulako, ne bonse boba byatama,

Mateo 27:5

Ne aye watayile mali mu nzubo yazhila ya Lesa kabiji wafuminemo wakekujikile mwine.

Mateo 3:10

Kabiji kapasa bekakungika kala ku mizhazhi ya bichi. Onkao mambo bichi byonse bibula kupanga bipangwa byawama, bebitema ne kwibitaya mu mujilo.

Mateo 7:19

Kichi kyonse kibula kupanga bipangwa byawama bekitema, ne kwi kyela mu mujilo.

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Bahebelu 10:27

Poso luketekelo luleeta moyo wa kuchiina luzhachisho, ne mujilo wakatazha ukebaja balwanyi.

2 Petelo 2:20

Mambo umvwe pa kupuluka ku bubipisho bwa pano pantanda monka mu maana a kuyuka Nkambo ne Mupulushi wetu Yesu Kilishitu, bakasankana ne kushindwa jibiji, bwikalo bwabo bwapelaako bukakila butanshi mukutama.

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”