Yoano 15:5 - KNTP

⁵ Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Yoano 15:5 Iomraidhean Croise

Mateo 13:21

nanchi kechi baji na mizhazhi mwi abo ne, bakoselamo pacheche, kabiji pakumweka bya malwa nangwa bya kupatwa na mambo a ano mambo, ponkapo betuntula.

Yoano 12:24

Kine, kine nemwambila namba, umvwe lukunwa wa wichi ne kuponena mu mushiji ne kufwa ne, wikala bunke bwanji, pakuba inge wafwa, ye upanga byavula.

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 5:19

Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo.

Yoano 9:33

Inge awo muntu kechi wafuma kwi Lesa ne, kechi wakonsha kuuba kintu ne.”

Byubilo 4:12

“Kabiji lupulukilo lujitu monka mwi aye, pakuba kechi paji jizhina jikwabo muno munshi japewa mu bantu jo twafwainwa kupulukilamo ne.”

Loma 12:5

Byonkabyo ne atweba, nangwa twavula, twi mubiji umo mwi Kilishitu, ne pa muntu pa muntu, bonse twi bamo.

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 7:4

Byonkabyo anweba bakwetu, ne anweba mwafwile ku Mizhilo monka mu mubiji wa Kilishitu, amba musongolwe ku ungi, yenkawa wasangwilwe mu bafu, amba tumupangile Lesa bipangwa.

1 Kolinda 10:16

Nanchi katomeno ka mapesho kotupesha, kechi ko kushilang'ena kwa mashi a Kilishitu nenyi? Kabiji shinkwa ye tutebula kechi ko kushilang'ena kwa mubiji wa Kilishitu nenyi?

1 Kolinda 12:12

Byonka byo aji mubiji umo, bino uji na bibese bya mubiji byavula; kabiji ne bya mubiji byonse nangwa byavula ye mubiji umo, byo biji ne Kilishitu.

1 Kolinda 12:27

Anweba mwi bya mubiji wa Kilishitu, ne bonse pa muntu pa muntu mwi bya mubiji wanji.

2 kolinda 13:8

Mambo kechi twakonsha kukanya bukine ne, poso kwibukwasha.

2 kolinda 9:10

Kabiji aye umumwena mbyaji nkunwa, ne kajo ka kuja, ukemumwena nkunwa yenu ya kubyala ne kwiivuzha, ne kuvuzha bipangwa bya bololoke bwenu.

Ngalatiya 5:22

Pakuba bipangwa bya Mupashi bo butemwe ne lusekelo ne mutende ne kukooka muchima ne lusa ne buwame ne bukishinka,

Efisesa 5:9

(mambo bipangwa bya kyeya biji mu buwame bonse ne bololoke ne bukine),

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Filipai 4:13

Nakonsha kuuba bintu byonse mwi aye unkosesha.

Filipai 4:17

Kabiji kechi naamba mambo nasakatu kutambula bya bupe ne, bino kine kyo nasaka namba anweba mwikale na bipangwa byavula.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Yakoba 1:17

Bya bupe byonse byawama ne bya bupe byonse byalumbuluka bifuma mwiulu; kasa biikila panshi kufuma kwi Taata wa byeya, ye ubula kwaluka nangwa kuuba kimvule pa kwaluluka.

1 Petelo 2:4

Mwiye kwi aye jibwe jumi, jasulwa ku bantu kine, pakuba kwi Lesa wasalululwa kabiji wa buneme.

2 Petelo 3:18

Bino kasa mukoma mu bupe ne mu maana a kumuyuka Nkambo ne Mupulushi wetu Yesu Kilishitu. Kwi aye kwikale lukumo ne pano ne myaka yonse. Amena.