Yoano 15:4 - KNTP

⁴ Ikalainga mwi amiwa, ne amiwa mwi anweba. Musampi kechi wakonsha kupanga bipangwa bunke bwanji ne, poso waikala mu mung'anzang'anza. Ne anweba pamo, poso mwikale mwi amiwa.

Yoano 15:4 Iomraidhean Croise

Mateo 12:33

“Wamisha kichi, ne bipangwa byakyo bikawama; nangwa tamisha kichi, ne bipangwa byakyo bikatama; mambo kichi kiyukanyikwa na bipangwa byakyo.

Luka 8:15

Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Yoano 14:20

“Mu joja juba anweba mukayuka byo nji mwi bataata, ne anweba mwi amiwa, ne amiwa monka mwi anweba.”

Yoano 17:23

Amiwa monka mwi abo, ne anweba mwi amiwa, namba balumbuluke ke umo, namba ba pano pantanda bayuke amba, yenu mwantumine, ne kwibatemwa abo byonka byo mwantemwa amiwa.

Yoano 6:56

Awa uja ku mubiji wami ne kutoma mashi ami ye uji mwi amiwa, ne amiwa nji mwi aye.

Yoano 8:31

Ponkapo Yesu wa ambijile Bayudea bamwitabijile amba, “Anweba inge mwikajijile mu mambo ami, abya kine mwi baana bami babwanga,

Byubilo 11:23

Aye pakufikako ne kumona bupe bwa Lesa, wasekejile kabiji wibatundaikile bonse amba, balamachile kwi Nkambo na michima yabo yonse.

Byubilo 14:22

Kasa bakosesha michima ya baana babwanga, ne kwibatundaika kwikala bakishinka mu lwitabilo amba, “Mu bya malwa byavula mo motutwelela mu bufumu bwa Lesa.”

2 kolinda 13:5

Ipimai anweba bene, mumone kana muji mu bwikalo bwa mu lwitabilo, mwipime anweba bene. Nanchi anweba bene kechi mwiyuka amba Yesu Kilishitu uji mwi anweba nenyi? Kana apo kampe mwakankalwa kulumbuluka.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:27

Abo, boaswile Lesa kwibayukisha byo buji bukata bwa lukumo lwa mu Bangentila lwa ano mambo afyamikile. Kokuuba amba, Kilishitu uji mwi anweba lo luketekelo lwa lukumo.

Kolose 2:6

Byonkabyo monka mo mwatambwijile Kilishitu Yesu Nkambo, endelainga monka mwi aye.

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

Bahebelu 10:39

Bino atweba kechi twi boba babwela mu nyuma ne konaika ne, pakuba twi boba baji na lwitabilo lwa kupulusha mweo.

1 Yoano 2:6

awa wamba amba waikala mwi Kilishitu wafwainwa kwenda byonka byo a endelenga Aye.

2 Yoano 1:9

Bonse baya kulutwe ne kwikala monka mu mafunjisho a Kilishitu ne, kechi baji na Lesa ne. Awa waikala mu mafunjisho ye uji ne Taata ne Mwana.