Yoano 15:2 - KNTP

² Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Yoano 15:2 Iomraidhean Croise

Mateo 13:12

Mambo kwi aye uji naabyo, ukapewa ne bikwabo, kabiji ukekala na byavula, kabiji awa wabulabyo, bakamwangata ne bicheche byo aji naabyo.

Mateo 13:33

Wibatayile ne kishimpi kikwabo amba, “Bufumu bwa mwiulu buji nobe mbizho, yashikwile mwanamukazhi, ne kwiifya mu bunga bwa bipimo bisatu, poso bwatutumuka bonse.”

Mateo 15:13

Kumvwa aye amba, “Bintu byonse byabula kujimba Taata wa mwiulu bakebiyokola.”

Mateo 21:19

Ne pa kumona mukuyu kunsa ya jishinda, wayileko kutaana kafwako makuyu, kwajingatu mabuula onka. Wikyambijile amba, “Kechi ukapangepo kipangwa nangwa kimotu ne, myaka yonse!” Ponkapotu kichi kyaumine.

Mateo 25:29

Mambo kwi aye uji naabyo ukapewa ne bikwabo, ukekala na byavula; kabiji awa wabulabyo, bakamwangata ne byo aji naabyo.

Mateo 3:10

Kabiji kapasa bekakungika kala ku mizhazhi ya bichi. Onkao mambo bichi byonse bibula kupanga bipangwa byawama, bebitema ne kwibitaya mu mujilo.

Mateo 3:12

Aye uji na kya kululwilako mu kuboko kwanji, kabiji ukatokesha bulongo pa kipujilo kyanji, ne kubungizha kajo mu butala bwanji, pakuba makunzhi ukeasoka na mujilo ubula kuzhima.”

Mateo 7:19

Kichi kyonse kibula kupanga bipangwa byawama bekitema, ne kwi kyela mu mujilo.

Mako 4:20

Ne bantu bakwabo bauba nobe boba bakushiwa nkunwa pa mushiji wawama. Beomvwa mambo ne kwiatambula ne kupanga bipangwa, bamo makumi asatu, bakwabo makumi atanu na jimo, ne bakwabo makumi jikumi.”

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Yoano 15:1

Amiwa ne mung'anzang'anza wa kine, Bataata bo banjimi.

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:3

Pano anweba mwatoka kala na mambo a byambo byo nemwambila.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Yoano 15:8

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Loma 11:17

Bino umvwe misampi imo beichimunako, kabiji obewa byo uji kichi kya olivi kya mungye, ba kusokankanyamo mwi ayo kabiji pano ke uji wa kwabana nayo mema afuma mu muzhazhi wa kichi kine kya olivi.

Loma 11:22

Nanchi akitala ku lusa ne ku kushinta kwa Lesa. Kwi boba baponene, kushinta kwamwekele; pakuba kwi obewa lusa lwa Lesa lolwamweka, umvwe ukelwe mu lusa lwanji. Umvwe ne, ne obewa baka kuchibako.

Loma 8:28

Kabiji twayuka namba bintu byonse bingijila pamo mu kwibaletela byawama bamutemwa Lesa, bo boba baitwa monka mwayila kufuukula kwanji.

1 Kolinda 13:1

Nangwa ng'amba na njimi ya bantu ne ya bamalaika, umvwe ne kwikala na butemwe ne, naaluka pamo nobe kuvuma kwa kyela kya lubemba nangwa kuvuma kwa ngengele.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

Lumwekesho 3:19

Bonse bo natemwa, nebalengulula ne kwibajimuna. Onkao mambo kasa uteshakotu muchima ne kulapila.