Yoano 15:16 - KNTP

¹⁶ Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:16 Iomraidhean Croise

Mateo 21:22

Kabiji byonse byo mukasakanga mu lulombelo na lwitabilo, mukebitambula.”

Mateo 7:7

“Lombai, kabiji mukekitambula, kebai, kabiji mukekimona, konkonshai, kabiji bakemushinkwilako.

Luka 6:13

Byo bwakiile lukeelo waichile baana banji babwanga kabiji wasajilemo jikumi na babiji, bo atumbile amba batumwa,

Yoano 13:18

“Amiwa kechi mbena kwamba mambo a anweba bonse ne, amiwa nayuka ne bo nasalulula. Pakuba nanchi amba kinembelo kifike, amba, ‘Yenka uja shinkwa ne amiwa ye wansobwela kashiko kanji.’

Yoano 15:19

Inge mwajinga ba pano pantanda inge ba pano pantanda bemutemwa, mambo batemwa babo bene. Pakuba anweba byo mwabula ba pano pantanda, ne amiwa nemusalulula mu ba pano pantanda, ba pano pantanda bemushikwa,

Yoano 15:5

Amiwa ne mung'anzang'anza, anweba mwi misampi. Awa waikala mwi amiwa, ne amiwa mwi aye, ye upanga byavula, mambo kwakubula amiwa kechi mwakonsha kuuba kintu ne.

Yoano 6:70

Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”

Byubilo 1:24

Ponkapo balombele amba, “Anweba Nkambo, mwayuka michima ya bantu bonse, mwitubuule pa bo bano babiji ye mwasalulula,

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 10:41

kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu.

Byubilo 22:14

Ne aye amba, Lesa wa bashakulu betu, ye wakutongola amba uyuke kyaswa muchima wanji, kabiji umumone ne aye Mololoke, ne kwijumvwa jiwi ja mu kanwa kanji.

Byubilo 9:15

Bino Nkambo wamwambijile amba, “Yangatu, mambo aye kyo kintu kyami kyo nasalulula, kya kutwala jizhina jami ku Bangentila, ne ku ba mfumu, ne kubena Isalela.

Loma 1:13

Anweba bakwetu, nasaka namba muyuke amba nafukwile javula kwiya ko muji, bino ko biji bimo byankayinye kwiya. Pakuba amba ngitabizhepo bamo ba mwi anweba byonka byo nsapwila mu Bangentila.

Loma 1:5

Kupichila mwi aye mo mo twatambwijile bupe ne butumwa, amba ba mu mikoka yonse ya bantu bakookele byambo bya lwitabilo na mambo a jizhina janji.

Loma 15:4

Mambo byonse byanembelwe kala byanembejilwe kufundwa kwetu, amba monka mu butekanye ne mulutundaiko lwa binembelo twikale na luketekelo.

Loma 9:21

Nanchi aye mbumbi kechi uji na luusa lwa pa buchimba lwakuuba, na mushinshi umo wabumba kibese kimo kijiilo kya kubilamo bya buneme, ne kibese kikwabo wabumba kya kubilamo byabula kunema nenyi?

1 Kolinda 10:11

Kabiji bino bintu bibamwekejile amba bikale ke bya kumwenako bakwabo, kabiji byanembejilwe kufundwa kwetu atweba bo yafikila mpelo ya myaka.

Ngalatiya 1:15

Bino byo kyamutokejile aye Lesa ku muchima, wantogwejile jimo kasa nkyangye kusemwa munda mwa bamaama, ne kungita monka mu bupe bwanji,

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

1 Timoti 2:7

Oo natongwejilwe amba, ngikale musapwishi ne mutumwa (Naamba bya kine, kechi nabepa ne,) wa kufunjisha Bangentila mu lwitabilo ne mu bukine.

2 Timoti 1:11

O natongwejilwe amba, ngikale musapwishi, ne mutumwa, ne mufunjishi,

2 Timoti 2:2

Kabiji abya bintu byo wa umvwine kwi amiwa mukachi ka batumonyi bavula, ukebifikizhe byonkabyo ku bantu bakishinka, bonka bakakonsha kwibafunjisha ne bakwabo.

Titusa 1:5

Na onka ano mambo ona kushijiile mu Keleta, namba unengezhe bintu byashajilepo, ne kutongola bakulumpe mu mizhi yonse, monka mo nakulaijiile namba,

Bahebelu 11:4

Ko ku lwitabilo ko alambwile Abela kwi Lesa kitapisho kyalumbuluka kyakila kya kwa Kaina mu kuwama, momo ashimwijilwe amba waoloka, Lesa naye washimwine na mambo a bya bupe byanji. Kabiji ne pano ukyamba nangwa wafwa na mambo a lwitabilo lwanji.

Yakoba 3:18

Kabiji bipangwa bya bololoke bibyalwa mu mutende kwi boba baleta mutende.

1 Petelo 3:15

Bino zhijikai Kilishitu mu michima yenu bu Nkambo. Moba onse ikajilai jimo na mwa kwibakumbwila bonse bemwipuzha mambo a luketekelo lomuji naalo,

1 Petelo 3:2

byo bamona bwikalo bwenu bwawama bwa mushingi.

1 Yoano 4:10

Butemwe buji bino; kechi amba atweba twamutemenwe Lesa ne, poso amba aye witutemenwe atweba ne kutuma Mwananji amba ekale ke mfuto ya mambo etu.

1 Yoano 4:19

Atweba twatemwang'ana mambo aye witutemenwe patanshi.