Yoano 15:1 - KNTP

¹ Amiwa ne mung'anzang'anza wa kine, Bataata bo banjimi.

Yoano 15:1 Iomraidhean Croise

Mateo 15:13

Kumvwa aye amba, “Bintu byonse byabula kujimba Taata wa mwiulu bakebiyokola.”

Mateo 20:1

Mambo bufumu bwa mwiulu bwapashang'ana na muntu mwina nzubo wakelejile lukelo na kumona bamingilo ba kwingila mu bujimi bwanji bwa ming'anzang'anza.

Mateo 21:33

“Umvwai kikwabo kishimpi. Kwajinga muntu mwina nzubo wajimine bujimi bwa ming'anzang'anza, wabikileko ne luvimba, wapoyileko ne kya kufiinamo binyu, ne kutungilapo kyamba. Ne kwibusha ku bakalama, kabiji wayile ku ntanda ingi.

Mako 12:1

Ponkapo aye watatwile kwibambila mu bishimpi amba, “Muntu umo wajimine bujimi bwa ming'anzang'anza, wabikileko ne luvimba, wapoyileko ne kya kufiinamo binyu, ne kutungilapo kyamba, ne kwibusha ku bakalama, kabiji wayile ku ntanda ingi.

Luka 13:6

Ne aye wibatayile kino kishimpi amba, “Muntu umo wajimbile kichi kya mukuyu mu bujimi bwanji, kabiji waishile na kukeba bipangwa ne kwibitanako ne.

Yoano 1:17

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.

Yoano 1:9

Akyo kyajinga kyeya kya kine, kisaamina bantu bonse, pa kwiya pano pantanda.

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Yoano 6:32

Kabiji Yesu wibambijile amba, “Kine, kine, nemwambila namba, Mosesa kechi wimupele kajo kafuma mwiulu ne, pakuba bataata bapana kajo ka kine kafuma mwiulu.

Yoano 6:55

Ke pakuba mubiji wami ko kajo ka kine, ne mashi ami byo bya kutoma bya kine.

Loma 11:17

Bino umvwe misampi imo beichimunako, kabiji obewa byo uji kichi kya olivi kya mungye, ba kusokankanyamo mwi ayo kabiji pano ke uji wa kwabana nayo mema afuma mu muzhazhi wa kichi kine kya olivi.

1 Kolinda 3:9

Mambo atweba twi ba mu mwingilo umo wa Lesa, anweba mwi bujimi bwa Lesa. Anweba mwi kishimikwa kya kwa Lesa.

1 Yoano 2:8

Nangwa byonkabyo, mukambizho ye mbena kwi munembela ye mupya, ye wa kine mwi Aye ne mwi anweba, mambo mfishi ibena kupita, ne kyeya kya kine kya saama kala.