Yoano 14:9 - KNTP

⁹ Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 14:9 Iomraidhean Croise

Mako 9:19

Kabiji Yesu wibakumbwile amba, “Anweba kisemi kyabula lwitabilo! Bimye binga byo nkekala? Bimye binga byo nkemutekela muchima? Muleetai kwi amiwa.”

Luka 12:56

Anweba ba kamfutumfutu! Mukonsha kuyuka mwayila ntanda ne jiulu; nanchi kika kimukanya kuyuka mwayila kino kimye?”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 10:30

Amiwa ne bataata twi umo.”

Yoano 12:45

Ne aye wammona amiwa, wamona ne aye wantuma.

Yoano 14:20

“Mu joja juba anweba mukayuka byo nji mwi bataata, ne anweba mwi amiwa, ne amiwa monka mwi anweba.”

Yoano 14:7

Inge mwangyukile amiwa, inge mwibayuka ne Bataata. Kabiji kufuma ku kyo kino kimye mwibayuka, ne kwibamona.”

Yoano 8:19

Ponkapo ba mwambijile amba, “Nanchi bashenu baji pi?” Kumvwa Yesu amba, “Kechi mwangyuka amiwa ne, nangwa kwibayuka bataata ne, inge mwaji kungyuka amiwa, inge mwibayuka ne bataata.”

1 Kolinda 15:12

Umvwe tusapwila amba, Kilishitu wasangwilwe mu bafu, anweba bamo kika kyo mwambila amba, kafwako lusanguko lwa bafu?

Filipai 2:6

Aye nangwa waikajile mu musango wa bu Lesa, kechi walangulukile amba, kwesakana na Lesa kyo kintu kya kukakachila ne.

Kolose 1:15

Kilishitu ye kipasha kya Lesa ubula kumweka. Ye mubeji wa bilengwa byonse.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.