Yoano 14:2 - KNTP

² Mu nzubo ya Bataata muji mwa kwikala mwavula, inge kechi kyaji byo byo ne, inge nemubuula. Pakuba mbena kuya na kwimunengezhezha mpunzha kwa kwikala.

Yoano 14:2 Iomraidhean Croise

Luka 14:22

Ne kalume wamwambijile amba, ‘Nkambo, byo mwaji kunkambizha bya ubiwa kala, ne pano mpuzha koikiji.’

Yoano 13:33

Anweba twana nji ne anweba pa kakimye kacheche. Musa kukankeba, kabiji byonka byo naambijile Bayudea, pano nemwambila ne anweba namba, akwa kongya amiwa, anweba kechi mwakonsha kuyako ne.

Yoano 13:36

Kumvwa Shimona Petelo wamwambijile amba, “Nkambo, mubena kuya kwepi?” Kumvwa Yesu amba, “Kongya amiwa, kechi mukonshe kundondela pa kino kimye ne, pakuba musa kuka ndondela palutwe.”

Yoano 14:28

“Anweba mwaji kumvwa byo naji kwimwambila namba, ‘Amiwa mbena kuya, kabiji nkabwela kwi anweba.’ Inge mwantemwa, inge mwasekela, mambo mbena kuya kwi Bataata, mambo Bataata bo bankila.

Yoano 16:4

Pakuba nemwambila bino bintu, namba mwaka wabyo pakufika, mukavuluke byo nemubujilebyo amiwa. Kabiji bino bintu kechi nemwambijile ku ntendekelo ne, mambo nakijinga nenu.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Byubilo 9:16

Mambo amiwa nkamumwesha byo kuji kuvula kwabyo abya bintu bya malwa byo afwainwa kumona mu jizhina jami.”

2 kolinda 5:1

Mambo twayuka namba umvwe tente wetu wa pano pantanda ye twaikalamo wapopololwa, tuji na kishimikwa kifuma kwi Lesa, yo nzubo yabulwa kushimikwa na maboko, ya myaka, ya mwiulu.

Tesalonika 5:9

Mambo Lesa kechi witutongwejile bukaji ne, poso kumona lupulukilo mwi Nkambo yetu Yesu Kilishitu,

Titusa 1:2

mu luketekelo lwa bumi bwa myaka, boalayile Lesa ubula kubepa, ntendekelo ya myaka kasa ikyangye kwikalako,

Bahebelu 11:10

Mambo Abulahama watengejilenga muzhi uji na bitendekesho, Lesa mwine ye sendwe ne ntungi wa yeo muzhi.

Bahebelu 13:14

Mambo pano kechi tujipo na muzhi wa myaka ne, bino tubena kukeba yewa ukeya.

Bahebelu 6:20

Moetutwelela kala Yesu, byo aikala ke Ng'anga mukatampe wa myaka mwayila musango wa bung'anga bwa kwa Melekizedeke.

Bahebelu 9:8

Mukino momo etubujila Mupashi wa Wazhila amba jishinda ja kutwelelamo mwazhila jajinga jikyangye kusololwa byo akijingapo awa Tente mutanshi.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 21:2

Kabiji namwene muzhi wazhila, Yelusalema mupya, kasa ekila mwiulu kufuma kwi Lesa, wanengezhiwa jimo nobe musongwa wavwajila bulongo mwata wanji.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.