Yoano 13:1 - KNTP

¹ Pano kijiilo kya Lupitailo kasa kikyangye kufika, Yesu wayukile amba, kimye kyami kyafika kya kufuma pano pantanda ne kuya kwi bataata. Byo atemenwe ba kwanji bajinga pano pantanda, aye wibatemenwe ne kumpelo.

Yoano 13:1 Iomraidhean Croise

Mateo 26:45

Ponkapo waishile ku baana banji babwanga, ne kwibambila amba, “Mwakilaala na kukokoloka nyi? Talai! Kimye kyafika kala, Mwana Muntu ubena kusololwa mu maboko a bandengamambo.

Mateo 28:20

ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”

Luka 22:53

Byo najinga nenu moba onse mu nzubo ya Lesa, kechi mwatanyikile maboko enu amba munkwate ne, pakuba pano kyo kimye kyenu ne kya luusa lwa mfishi.”

Luka 9:51

Kabiji moba byo a fwenyenye kubwipi kutwalwa mwiulu, watazhizhe kilungi kyanji kuya ku Yelusalema.

Yoano 11:55

Kijiilo kya Bayudea kya Lupitailo kyajinga pepi, ne bavula bamu mande bayile ku Yelusalema, kijiilo kasa kikyangye, betokesheshe jimo abo bene.

Yoano 12:23

Kumvwa Yesu wibambijile amba, “Kimye kyafika kya kutumbijikwa Mwana Muntu.

Yoano 13:29

Pakuba byo ajinga nafukuta wa mali, aye Yudasa, bamo balangulukile amba, Yesu wamwambijile amba, akapote byo basakile bya kijiilo, nangwa amba, akebape bintu balanda.

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 13:34

Mukambizho mupya ye nemupa anweba, namba mwitemwe anweba bene na bene, byonka byo nemutemwa amiwa, ne anweba mwitemwe anweba bene na bene.

Yoano 14:28

“Anweba mwaji kumvwa byo naji kwimwambila namba, ‘Amiwa mbena kuya, kabiji nkabwela kwi anweba.’ Inge mwantemwa, inge mwasekela, mambo mbena kuya kwi Bataata, mambo Bataata bo bankila.

Yoano 14:31

pakuba amiwa nguba byonka byankambizha Bataata namba, ba pano pantanda bayuke byo nebatemwa Bataata.” “Imanai, twayai tufume pano.”

Yoano 16:28

Amiwa nafumine kwi bataata, naiya pano pantanda, kabiji mbena kufuma pano pantanda, ne kuya kwi bataata.”

Yoano 17:1

Yesu byo apwishishe kwamba bino bintu, wainwine meso anji ne kutala mwiulu ne kwamba amba, “Taata, kimye kyafika. Mu mutumbijike Mwanenu, amba, Mwana naye emutumbijike.

Yoano 17:16

Abo kechi bo ba pano pantanda ne, byonka byo nji amiwa kechi ne wa pano pantanda ne.

Yoano 17:26

Ne amiwa nebayukisha jizhina jenu, kabiji nkejiyukanyikisha namba butemwe bo mwantemwa amiwa bwikale mwi abo, ne amiwa monka mwi abo.”

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Yoano 18:4

Yesu byo ayukile byonse bisa kumumwekela, walupukile ne kwibambila amba, “Ing'anyi ye mukeba?”

Yoano 19:28

Bino byo byapwile, Yesu wayukile amba, pano byonse byapwa, wa ambile amba, “Nafwa kilaka,” mambo a kuuba amba kinembelo kifike.

Yoano 2:13

Kijiilo kya Bayudea kya Lupitailo kyajinga pepi, Yesu kepo ayile ku Yelusalema.

Yoano 6:4

Kabiji kijiilo kya Bayudea kya Lupitailo kyajinga pepi.

Yoano 7:30

Kepo basakile kumukwata, bino kafwako wamukwachile ne, mambo kimye kyanji kyaji kikyangye kufika.

Yoano 7:6

Ponkapo Yesu wibambijile amba, “Kimye kyami kikyangye kufika, pakuba bimye byonse bimuwamina anweba.

Yoano 8:20

Bino byambo wibyambile mo balambwila, byo afunjishenga mu nzubo ya Lesa, byonkabo kafwako wamukwachile ne, mambo kimye kyanji kyaji kikyangye kufika.

Loma 8:37

Ine, mu bino bintu byonse twakila mu kushinda monka mwi aye witutemenwe!

1 Kolinda 1:8

Ye ukemukosesha kufika ne kumpelo, amba mukekale ba kubula mambo mu juba ja Nkambo yetu Yesu Kilishitu.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 6:11

Kabiji twasaka namba anweba bonse pa muntu pa muntu mumweshe lonkalwa lupata lumo mulumbulule luketekelo lwenu kufika ne kumpelo.

1 Petelo 1:13

Onkao mambo, nengezhai michima yenu mutekanye, mwilulanguluke bulongo luketekelo lwenu lwa bupe bukemuletelwa pa lumwekesho lwa Yesu Kilishitu.

1 Yoano 4:19

Atweba twatemwang'ana mambo aye witutemenwe patanshi.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,