Yoano 12:2 - KNTP

² Konkakwa bamutekejile ne kajo ka mulajilo, ne Maata ye wanengezhezhenga kajo, Lazalasa wajinga umo wa mu boba baikajile ne Yesu na kuja.

Yoano 12:2 Iomraidhean Croise

Mateo 26:6

Kabiji Yesu byo ajinga mu Betani, mu nzubo ya Shimona wa mbumba,

Mako 14:3

Kabiji byo ajinga mu Betani mu nzubo ya kwa Shimona wa mbumba, kasa aikala na kuja, kwaishile mwanamukazhi na musashi wa alabasita wa manyi a naada, a mutengo mukatampe, ponkapo walajile musashi ne kumwitulwila Yesu pa mutwe wanji.

Luka 12:37

Batokwa aba bakalume, boakatana nkambo yabo pa kwiya kasa balaba. Kine, nemwambila namba, ukapimpa ne kwinyinga aye mwine, ne kwibekazha amba baje, kabiji mwine ukeya ne kwibengijila.

Luka 14:12

Kepo Yesu a ambijile yewa wamwichile amba, “Inge mwateeka kijiilo kya mute nangwa kya mabanga, kechi mwite balunda nenu nangwa bakwenu nangwa balongo benu ne, nangwa banonshi bo mwikala naabo ne, kuchiina amba, nabo bakeya kwimwita ne kwi mufweta abya byo mwibapele.

Luka 22:27

Mambo mukulumpe ye ng'anyi, awa waikala na kuja, inyi yewa ubena kumwingijila? Kechi yenkawa waikala na kuja nenyi? Bino amiwa nji mukachi kenu nobe wamwingilo.”

Luka 5:29

Ne Levi wamutekejile Yesu kijiilo kikatampe mu nzubo yanji, kabiji kwajinga ne jibumba jikatampe ja basonkeshi ne bakwabo baikajile ku tebulu naabo.

Lumwekesho 3:20

Umvwa! Naimana pa kibelo kasa nkonkonsha, umvwe muntu waumvwa jiwi jami ne kunshinkwilako, amiwa nkatwela mo aji ne kuja nanji, ne aye ne amiwa.