Yoano 12:1 - KNTP

¹ Byo kwashajile moba atanu na jimo kufika ku kijiilo kya Lupitailo, Yesu waishile ku Betani, ko kwaikajilenga Lazalasa, yenka ye asangwile Yesu mu bafu.

Yoano 12:1 Iomraidhean Croise

Mateo 21:17

Ponkapo wibashiile wafumine mu muzhi kaye ku Betani, wakekajile konkakwa.

Mako 11:11

Kabiji byo atwelele mu Yelusalema, wapitaijiletu kutwela mu nzubo ya Lesa. Byo atajiletajile pa bintu byonse, ne kimye kyaubile ke mabanga, walupukile ne kuya ku Betani naba jikumi ne babiji.

Luka 24:50

Ponkapo aye wibatangijile kuya na kufika ku Betani, kabiji byo asuntwile maboko anji wibapesheshe ne kwibapesha.

Luka 7:37

Kabiji talai, mwanamukazhi umo ndengamambo, byo a umvwine amba Yesu ubena kuja mu nzubo ya Mufaliseo, waletele musashi wa alabasita wa manyi anunka bulongo,

Yoano 11:1

Kabiji kwajinga muntu wakolelwenga, jizhina janji Lazalasa, mwina Betani, muzhi mwaikalanga Maliya ne Maata mulongo wanji.

Yoano 11:43

Byo a ambile bino, wabijikile na jiwi jikatampe amba, “Lazalasa, lupukaimo!”

Yoano 11:44

Ponkapo aye wafwile walupukilemo kasa akaswa ku maboko ne ku maulu na bisapi bya lufu, ne pa meso napo pakashilwe na kitambala. Ne Yesu wibambijile amba, “Mukasululai, ayenga.”

Yoano 11:55

Kijiilo kya Bayudea kya Lupitailo kyajinga pepi, ne bavula bamu mande bayile ku Yelusalema, kijiilo kasa kikyangye, betokesheshe jimo abo bene.

Yoano 12:12

Juba jalondejilepo, jibumba jikatampe jonkaja jaishile kala ku kijiilo, byo jaumvwine amba, Yesu ubena kwiya ku Yelusalema,

Yoano 12:20

Kabiji kwajinga ne bamo bagiliki mu boba baishile ku kijiilo na kupopwela.

Yoano 12:9

Byonkabyo Bayudea bavula byo bayukile amba Yesu uji ku Betani, baishile, bino kechi baendejile Yesu yenka ne, amba bamone ne Lazalasa ye asangwile mu bafu.