Yoano 11:51 - KNTP

⁵¹ Abino byo a ambile kechi wibyambile mwine ne, pakuba byo ajinga ng'anga mukatampe mu yewa mwaka, waawile na Mupashi mambo a Yesu byo akafwila kyokya kisaka,

Yoano 11:51 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Yoano 10:15

Monka mwangyukila bataata amiwa, ne amiwa nebayuka bataata, ne amiwa neyelela mikooko mweo wami.

Yoano 11:49

Pakuba umo wa mwi abo, jizhina janji Kaifasa, ye wajinga ng'anga mukatampe mu yewa mwaka, aye wibambijile amba, “Anweba kafwako ne kyo mwayuka ne!

Yoano 18:13

ke bamutwale patanshi kwi Anasa, mambo ye wajinga shanjivyala Kaifasa, ng'anga mukatampe mu yewa mwaka.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 3:13

Kilishitu witukuujile ku mafingo a Mizhilo, byo aalukile ke wafingwa na mambo a atweba, mambo kyanembwa amba, “Bafingwa mafingo bonse bo bakobeka ku bichi.”

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

1 Yoano 2:2

Aye ye mfuto ya mambo etu, kechi etu onka ne, ne aba pano pantanda ponse.