Yoano 10:18 - KNTP

¹⁸ Kafwako ung'angataye ne, pakuba na mwela amiwa mwine. Nji na luusa lwa kumwela, kabiji nji na luusa lwa kumutambula jibiji. Uno ye mukambizho ye bankambizhizhe bataata.”

Yoano 10:18 Iomraidhean Croise

Yoano 10:11

“Amiwa ne kafunga wawama, kafunga wawama welela mikooko mweo wanji.

Yoano 10:15

Monka mwangyukila bataata amiwa, ne amiwa nebayuka bataata, ne amiwa neyelela mikooko mweo wami.

Yoano 10:17

“Kyo bantemenwa bataata, mambo amiwa ngela mweo wami, namba, nkamutambule jibiji.

Yoano 14:31

pakuba amiwa nguba byonka byankambizha Bataata namba, ba pano pantanda bayuke byo nebatemwa Bataata.” “Imanai, twayai tufume pano.”

Yoano 15:10

Umvwe mwalama mikambizho yami, mukekala mu butemwe bwami, byonka byo nalama mikambizho ya Bataata, ne kwikala mu butemwe bwabo.

Yoano 19:11

Kumvwa Yesu wamwambijile amba, “Kechi uji na luusa pe amiwa ne, poso wapewalo kwiulu. Onkao mambo awa wamfikizha kwi anweba ye uji na mambo akila.”

Yoano 5:26

Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine.

Yoano 5:30

“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Byubilo 2:24

Pakuba aye Lesa wamusangwile mu bafu byo apwishishe kumukasulula ku misongo ya lufu, mambo kechi kyakonshekele amba lufu lumulame ne.”

Byubilo 2:32

Uno Yesu bamusangwile kwi Lesa, ne atweba bonse twi batumonyi banji.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.