Yoano 10:16 - KNTP

¹⁶ Kabiji mikooko ikwabo nji nayo, kechi ya ku kyo kino kipaka ne. Nayo amiwa nafwainwa kwiileta, ne ayo ikomvwa jiwi jami, kabiji ikekala ke kisaka kimo, ne kafunga umo.

Yoano 10:16 Iomraidhean Croise

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Luka 15:8

“Nangwa ng'anyi mwanamukazhi uba, umvwe uji na mali jikumi, watayapo jimo, ubula kwambula lampi ne kupyanga mu nzubo ne kukebeshamo poso wijimona.

Yoano 10:11

“Amiwa ne kafunga wawama, kafunga wawama welela mikooko mweo wanji.

Yoano 10:2

Pakuba aye utwelela pa kibelo, ye kafunga wa mikooko.

Yoano 10:27

Mikooko yami yumvwa jiwi jami, ne amiwa neiyuka, ne ayo indondela.

Yoano 10:3

Aye, bamushinkwilako ku ulama kibelo, ne mikooko yumvwa jiwi janji, kabiji wiita pa jizhina mikooko yanji mwine, ne kwiitangijila pangye.

Yoano 10:4

Pa kwiilupula pangye yonse yanji mwine, aye wiitangijila, ne ayo mikooko imulondela, mambo yayuka jiwi janji.

Yoano 10:5

Pakuba mwenyi kechi imulondele ne, isa kumunyema mambo kechi yayuka jiwi ja mwenyi ne.”

Yoano 11:52

kabiji kechi kyonkakyatu kisaka ne, poso akapwizhe pamo baana ba Lesa bapalang'ena monse, monse.

Yoano 17:20

“Kabiji kechi nebalombelela abo bonka ne, pakuba ne abo bakangitabila amiwa na byambo byabo.

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Byubilo 15:14

Shimeona waji kwitupichilamo byatatwile Lesa kupempula Bangentila, afumyemo bantu na mambo a jizhina janji.

Byubilo 18:10

mambo amiwa nji ne obewa, kafwako muntu ukakuuba kyatama ne, mambo bavula baji mu yeuno muzhi bo bantu bami.”

Byubilo 22:14

Ne aye amba, Lesa wa bashakulu betu, ye wakutongola amba uyuke kyaswa muchima wanji, kabiji umumone ne aye Mololoke, ne kwijumvwa jiwi ja mu kanwa kanji.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

2 Tesalonika 2:13

Kabiji pano kitufwainwa kusanta kwi Lesa moba onse na mambo a anweba, batemwe ba Lesa. Mambo Lesa wimusalulwile anweba patanshi kwimupulusha, ne kwimuzhijika na Mupashi ne mu kwitabila bukine.

Bahebelu 13:20

Pano aye Lesa wa mutende, yenka wamusangwile mu bafu Nkambo yetu Yesu, yenkawa waubile ke kafunga mukatampe wa mikooko na mambo a mashi anji, a lulayang'ano lwa myaka,

1 Petelo 2:10

Kala anweba kechi mwajinga bantu bakwa Lesa ne, pakuba pano mwi bantu ba kwa Lesa, kala mwabujile kumona lusa, pakuba pano mwilumona.

1 Petelo 2:25

Mambo anweba mwaendelenga kyendeende nobe mikooko yalubilamo, pakuba pano mwabwela kwi Kafunga ne Kalama wa michima yenu.

1 Petelo 5:4

Kabiji byo akamweka Kafunga mwine mukatampe, mukatambula munchinya wa lukumo lubula kwaluka.

Lumwekesho 3:20

Umvwa! Naimana pa kibelo kasa nkonkonsha, umvwe muntu waumvwa jiwi jami ne kunshinkwilako, amiwa nkatwela mo aji ne kuja nanji, ne aye ne amiwa.