Yoano 10:12 - KNTP

¹² Pakuba ye bafweta, kechi kafunga ne, ne mikooko kechi yanji ne, pa kumona musuka kasa eya, wiileka mikooko, ne kunyema, ne musuka wiikwata, ne kwiipalang'anya.

Yoano 10:12 Iomraidhean Croise

Mateo 10:16

“Talai! Nemutuma pamo nobe mikooko mu misuka. Byonkabyo mwikale bajimuka pamo nobe milolo, ne kukooka pamo nobe ba nkunda.

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Yoano 10:13

Unyema mambo ye wa mfweto, kechi utesha muchima ku mikooko ne.

Yoano 10:2

Pakuba aye utwelela pa kibelo, ye kafunga wa mikooko.

Yoano 10:3

Aye, bamushinkwilako ku ulama kibelo, ne mikooko yumvwa jiwi janji, kabiji wiita pa jizhina mikooko yanji mwine, ne kwiitangijila pangye.

Byubilo 20:29

Amiwa nayuka namba, pa kufumako amiwa misuka ikaji ikatwela mwi anweba, kechi ikaleka jitanga ne.

1 Timoti 3:3

kechi upendwa na maalwa ne, nangwa upumang'ana ne, kana wakooka muchima, ubula kutoboka, wabula kutemwa mali.

1 Timoti 3:8

Pamo byonkabyo ne bankwasho ba kipwilo nabo bekale bashing'ama, kechi ba njimi ibiji ne, nangwa batomatoma binyu ne, nangwa ba lwiso lwa mali ne.

2 Timoti 4:10

Mambo Demasa wandeka kala, pa kutemwa bya pano pantanda, waya ku Tesalonika. Kelesense waya ku Ngalatiya, ne Titusa naye ku Dalamatiya.

Titusa 1:7

Mambo mukulumpe ulama kipwilo wafwainwa kwikala wabula mambo byo aji kalama wa mwingilo wa Lesa. Kechi usakatu monka mwaswila muchima wanji mwine ne, nangwa uzhingila bukiji ne, nangwa upendwa maalwa ne, nangwa upumang'ana ne, nangwa wa lwiso lwa mali ne.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!