Yoano 10:10 - KNTP

¹⁰ Ngivi kechi wiyatu ne, poso kwiba, ne kwipaya, ne konauna. Amiwa naishile namba bamone bumi, kabiji namba bekale naabo bwavula.

Yoano 10:10 Iomraidhean Croise

Mateo 18:10

“Jimukai! Kechi musuule nangwa kamotu ka tuno tucheche ne. Mambo nemwambila namba, bamalaika baato baji mwiulu bakeelwa kutala mu kilungi kya Taata wa mwiulu.

Mateo 18:11

Mambo Mwana Muntu waiya amba, apulushe balubilamo.

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mateo 21:13

ne kwibambila amba, “Kyanembwa amba, Nzubo yami ikatelwa amba nzubo ya milombelo. Pakuba anweba mwiyalula ke jiyengo ja ba tupondo bapukula bintu.”

Mateo 23:13

“Pano malwa enu, anweba banembeshi ne Bafaliseo, ba kamfutumfutu! Mambo mwibashinkila bantu ku bufumu bwa mwiulu, mambo kechi mutwela anweba bene ne, nangwa kwibaleka basaka kutwela amba batwele ne.”

Mako 11:17

Kabiji wibafujishenga ne kwibambila amba, “Nanchi kechi kyanembwa amba, nzubo yami ikatelwa amba, nzubo ya milombelo ya mikoka yonse ya bantu nenyi? Pakuba anweba mwiyalula ke jiyengo ja ba tupondo!”

Luka 19:10

Mambo Mwana Muntu waiya na kwibakeba ne kwi bapulusha balubilamo.”

Yoano 10:1

“Kine, kine, nemwambila namba, awa ubula kutwelela pa kibelo mu kipaka kya mikooko, pakuba ukanjijila pangi ye ngivi kabiji ye kapondo.

Yoano 10:11

“Amiwa ne kafunga wawama, kafunga wawama welela mikooko mweo wanji.

Yoano 12:47

Kabiji umvwe muntu waumvwa byambo byami ne kwibilama ne, amiwa kechi namuzhachishe ne, mambo amiwa kechi naishile kuzhachisha ba pano pantanda ne, poso namba nebapulushe ba pano pantanda.

Yoano 12:6

Wa ambile bino, kechi na mambo a kutesha muchima wanji ku balanda ne, mambo aye wajinga ngivi, kabiji byo a sendanga fukuta wa mali watolelengamo byo babikilengamo.

Yoano 3:17

Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye.

Yoano 5:40

Pakuba anweba kechi mwaswa kwiya kwi amiwa amba, mumone bumi, ne.

Yoano 6:33

Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Loma 2:21

Byonkabyo obewa ufunjisha bakwenu, kechi wifunjisha obewa mwine nenyi? Obewa usapwila amba, muntu kechi ebe ne, obewa wiba nyi?

1 Timoti 1:15

Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

Bahebelu 6:17

Ne aye Lesa byo asakile kwibamweshatu bulongo banswanyi bamulaye amba poso akafikizhe mulaye ye alayile, wachipile luchipo.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

2 Petelo 1:11

Mambo mo monka mo kikemupewa kutwela mu bufumu bwa myaka bwa Nkambo ne Mupulushi wetu Yesu Kilishitu.