Yoano 10:1 - KNTP

¹ “Kine, kine, nemwambila namba, awa ubula kutwelela pa kibelo mu kipaka kya mikooko, pakuba ukanjijila pangi ye ngivi kabiji ye kapondo.

Yoano 10:1 Iomraidhean Croise

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Yoano 10:7

Kepo Yesu ebambijile jibiji amba “Kine, kine nemwambila namba, amiwa yami kibelo kya mikooko.

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Loma 10:15

Kabiji bakasapwila byepi kwakubula kwibatuma? Monka mo kyanembelwa amba, “Byo auba buuya maulu aboba basapwila Mambo Awama!”

Loma 16:18

Mambo ba byonkabyo kechi bamwingijila Nkambo yetu Kilishitu ne, bengijila munda mwabo abo bene, kabiji na byambo byabo bya mulambisha ne kuwama beyongola michima ya babula kujimuka.

Titusa 1:11

Abo kyafwainwa kwibazhindamika, bo bantu bavulang'anya bisaka byonse pa kufunjisha bintu byabula kufwainwa, na mambo a kuuba amba bamwenemo.

Bahebelu 5:4

Kabiji kafwako muntu nangwa umo wipa aye mwine buno buneme ne, bino kana bamwita kwi Lesa byonka byo bamwichile Alona.

1 Petelo 1:10

Mwayila luno lupulukilo bangauzhi belukebele ne kwilupalanguzha bingi, bonka baawilenga na Mupashi na mambo a bupe bwenu bo mukatambula anweba.

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.