Yoano 1:44 - KNTP

⁴⁴ Aye Filipa wajinga wa ku Betesaida, muzhi wabo umo ne Andeleo ne Petelo.

Yoano 1:44 Iomraidhean Croise

Mateo 10:3

ne Filipa, ne Batolomo, ne Tomase, ne Mateo wajinga musonkeshi; ne Yakoba mwana Alefesa, ne Tadeusa,

Mateo 11:21

“Malwa obe, Kolazeni! Malwa obe, Betesaida! Mambo umvwe mingilo ya bulume yaingijilwe mwenu, inge yamwekele mu Tila ne mu Shidona, umvwe balapijile kala ne kuvwala bisapi bya majilo ne kwipukula buto!

Mako 3:18

ne Andeleo, ne Filipa, ne Batolomo, ne Mateo, ne Tomase, ne Yakoba mwana Alefesa, ne Tadeusa, ne Shimona mwina Kenana,

Mako 6:45

Ponkapo Yesu wa ambijile baana banji babwanga amba, bakanjile mu bwato, babukile ku bushiya batangilepo ku Betesaida, aye mwine washajile na kwimanya mabumba.

Mako 8:22

Kabiji baishile ku Betesaida, ne bamo bantu bamuletejile muntu mpofu ne kumusashijila amba, Yesu a mukwate maboko.

Luka 10:13

“Malwa obe, Kolazeni! Malwa obe, Betesaida! Mambo umvwe mingilo ya bulume yaingijilwe mwenu, inge yamwekele mu Tila ne mu Shidona, umvwe balapijile kala, ne kuvwala bisapi bya majilo ne kwipukula buto.

Luka 6:14

Shimona, ye atumbile amba Petelo ne Andeleo mulongo wanji; Yakoba ne Yoano, Filipa ne Batolomo,

Luka 9:10

Byo babwelele batumwa bamubujile byonse byo baubilenga. Ne aye wibatwajile kwa bunke ku muzhi yebatela amba Betesaida.

Yoano 1:43

Kabiji byo bwakiile lukelo, aye Yesu wasakile kuya ku Ngalilea. Wataaine Filipa kabiji wamwambijile amba, “Ndondelai.”

Yoano 1:45

Ne aye Filipa wataaine Natanela, wamwambijile amba, “Twamutaana, ye banembele kwi Mosesa mu buku wa mizhilo, ne ku bangauzhi, Yesu mwina Nazala, mwana Yosefwa.”

Yoano 1:46

Kumvwa Natanela wamwambijile amba, “Nanchi mu Nazala mwakonsha kufuma kintu kyawama nyi?” Filipa wamukumbwile amba, “Twayai, mukamone.”

Yoano 1:48

Natanela wamwambijile amba, “Mwangyukila pi?” Kumvwa Yesu amba, “Filipa kasa akyangye kwimwita, amiwa kasa nemumona munshi ya mukuyu.”

Yoano 12:21

Baishile kwi Filipa, mwina Betesaida wa mu Ngalilea, ne kumwipuzha amba, “Mwane, twasaka kumona Yesu.”

Yoano 12:22

Ne Filipa naye waishile na kumubula Andeleo, Andeleo waishile ne Filipa ne kumubula Yesu.

Yoano 6:5

Ponkapo Yesu byo ainwine meso anji, ne kumona jibumba jikatampe kasa jiiya ko aji, wa ambijile Filipa amba, “Tusakupota kwepi bashinkwa, namba bano baje?”

Yoano 6:7

Kumvwa Filipa wamwambijile amba, “Ndenali bitoota bibiji kechi asa kufikilamo kupota bashinkwa ba kukumbana bonse kutambula kacheche, kacheche ne.”

Byubilo 1:13

Kabiji byo batwelele, bakanjijile mu nzubo ya peulu, mobaikajile ba Petelo, ne Yoano, ne Yakoba, ne Andeleo, ne Filipa, ne Tomase, ne Batolomo, ne Mateo, ne Yakoba mwana Alefesa, ne Shimona Muzelote, ne Yudasa mwana Yakoba.