Yoano 1:4 - KNTP

⁴ Mwi aye mwajinga bumi, ne abwa bumi bwajinga Kyeya kya bantu.

Yoano 1:4 Iomraidhean Croise

Mateo 4:16

Bantu bekala mu mfishi bakamona kyeya kikatampe. Kabiji kwi aba baikala mu kyalo ne mu kimvule kya lufu, kyeya kikebasamina.”

Luka 2:32

Kyeya kya kwibamwesha Bangentila ne lukumo lwa bantu benu bena Isalela.”

Yoano 11:25

Kumvwa Yesu wamwambijile amba, “Amiwa yami lusanguko ne bumi. Awa wangitabila amiwa, nangwa afwe, ukamona bumi,

Yoano 12:35

Yesu wibakumbwile amba, “Muji na kyeya pa kakimye kacheche. Endai byo mukiji na kyeya, mwakeya kwijilwa na mfishi, mambo awa wenda mu mfishi kechi uyuuka ne ko aya ne.

Yoano 12:46

Amiwa naiya nobe kyeya kya pano pantanda, namba awa wangitabila amiwa kechi akelwe kwikala mu mfishi ne.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 3:19

Kabiji kuzhatwa ko ko kuno, amba kyeya kyaiya pano pantanda, kabiji bantu batemwako mfishi kechi batemwa kyeya ne, mambo byubilo byabo byatama.

Yoano 5:21

Mambo byonka byo asangula Shanji bafu, ne kwibapa bumi, byonkabyo ne Mwana naye upana bumi ku bo aswa.

Yoano 5:26

Mambo Shanji byonka byo aji na bumi mwi aye mwine, byo byo amupa ne Mwana naye ekale na bumi mwi aye mwine.

Yoano 8:12

Ponkapo Yesu wibambijile jibiji, amba, “Amiwa ne kyeya kya pano pantanda, awa undondela amiwa kechi ukenda mu mfishi ne, ukekala na kyeya kya bumi.”

Yoano 9:5

Byonkiji pano pantanda amiwa, ne kyeya kya pano pantanda.”

Byubilo 26:23

Byo kyafwainwe aye Kilishitu kumanama, kabiji pa kwikala mutanshi kusanguka mu bafu ekale wa kusapwila mambo a kyeya ku bantu bena Isalela ne ku Bangentila.”

1 Kolinda 15:45

Mambo kinembelo kyaamba amba, “Muntu mutanshi, Adama, waalukile ke muntu mumi.” Bino Adama wapelaako waalukile ke mupashi upana bumi.

Efisesa 5:14

mambo byonse bisololwa patoka bya aluka ke kyeya. Onkao mambo kyaambiwa amba: “Buuka, obewa walaala, ne kusanguka mu bafu, Kabiji Kilishitu ukakusamina.”

Kolose 3:4

Kilishitu, aye bumi bwetu byo akamweka, ponkapo ne anweba mukamweka nanji mu lukumo.

1 Yoano 1:1

Akya kyajinga mu ntendekelo, kyo twaumvwine, kyo twamwene na meso etu, kyo twatajishishe, ne kukwatako na maboko etu, kya Mambo a bumi.

1 Yoano 1:2

Ne abwa Bumi bwamwekele, kabiji twibumona, ne kushimuna twibushimuna, ne kwimubuula anweba abwa Bumi bwa myaka ne myaka, bo bwajinga ne Taata kabiji be bumwesheshe ne kwi atweba.

1 Yoano 5:11

Kabiji kushimuna kwanji koko kuno, amba Lesa witupele bumi bwa myaka, ne buno bumi buji monka mwi Mwananji.

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 22:16

“Amiwa Yesu, natuma malaika wami akemubuule bino bintu mu bipwilo. Amiwa ne muzhazhi wa Davida kabiji ne wa mu kisaka kyanji, kabiji ne ntaanda wa kumakya watokesha.”