Yoano 1:34 - KNTP

³⁴ Ne amiwa namwene, ne kushimuna nashimuna namba uno ye Mwana Lesa.”

Yoano 1:34 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Mateo 16:16

Kumvwa Shimona Petelo amba, “Anweba mwi Kilishitu, Mwana Lesa mumi.”

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Mateo 26:63

Kabiji Yesu wazhindaminepotu. Ne aye ng'anga mukatampe wamwambijile amba, “Nakuchipisha kwi Lesa mumi, tubuule kana yobe Kilishitu Mwana Lesa?”

Mateo 27:40

“Obewa onauna nzubo yazhila ya Lesa, ne kwiishimikulula mu moba asatu! Ipulushe obewa mwine umvwe wi Mwana Lesa, ikila ku musalabu!”

Mateo 27:43

Wamuketekejile Lesa pano amupokolole umvwe wamuswa, mambo wa ambilenga amba, ‘Ne Mwana Lesa!’”

Mateo 27:54

Kabiji mukulumpe wa bashilikale, ne abo bo ajinga naabo na kumutala Yesu, pa kwikimona kitentanshi, ne bintu byaubilwe, ke moyo mukatampe amba, “Kine uno wajinga Mwana Lesa!”

Mateo 3:17

Kepo jiwi jafumine mwiulu amba, “Uno ye mwanami ye natemwa, mo namwena lusekelo.”

Mateo 4:3

Ne Diabola pa kwiya wamwambijile amba, “Umvwe mwi Mwana Lesa, ambilai ano mabwe aluke ke bashinkwa.”

Mateo 4:6

ne kumwambila amba, “Umvwe wi Mwana Lesa, witaye obewa mwine panshi, mambo kyanembwa amba, “Ukakambizha bamalaika banji, na mambo a obewa amba bakakusenda mu maboko abo, kuchiina amba waketuntula kuulu kobe ku jibwe.”

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Mako 1:1

Ntendekelo ya Mambo Awama a Yesu Kilishitu, Mwana Lesa.

Mako 1:11

Kabiji mwafumine jiwi mwiulu amba, “Yobe Mwanami yenatemwa, mo namwena lusekelo.”

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Luka 3:22

ne Mupashi Wazhila wa mwikijile mu musango wa mubiji wa bunkunda; ne jiwi jafumine mwiulu amba “Obewa yobe Mwanami ye natemwa, monamwena lusekelo.”

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 1:49

Kumvwa Natanela amba, “Laabi, anweba mwi Mwana Lesa; anweba mwi Mfumu wa bena Isalela.”

Yoano 10:30

Amiwa ne bataata twi umo.”

Yoano 10:36

Anweba munena ye bazhijika, watumwa kwi bataata pano pantanda amba, wamuuba mwenga Lesa byo najikwamba namba, amiwa ne Mwana Lesa nyi?

Yoano 11:27

Aye wa mukumbwile amba, “Ee, Nkambo! Amiwa naitaba namba, anweba yenu Kilishitu, Mwana Lesa, yenka walayilwe amba ukeya pano pantanda.”

Yoano 19:7

Kumvwa Bayudea ba ambile amba, “Atweba tuji na muzhilo, kabiji mwayila muzhilo wetu aye wafwainwa kufwa, mambo aye wipele bu Mwana Lesa.”

Yoano 20:28

Kumvwa Tomase wamwambijile amba, “Nkambo yami ne Lesa wami!”

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Yoano 6:69

Kabiji atweba twaitabila ne kuyuka namba, anweba mwi Wazhila wa kwa Lesa.”

Loma 1:4

kabiji watongwelwe na bulume monka mu lusanguko lwa mu bafu amba ye Mwana Lesa, mwayila Mupashi wa buzhile, aye Yesu Kilishitu Nkambo yetu.

2 kolinda 1:19

Mambo Mwana Lesa, Yesu Kilishitu, yenka ye twimusapwijile atweba, amiwa ne Silivanusa, ne Timoti, kechi wajinga wa kuzhinauka amba, “Ee”, kabiji amba, “Ine”, ine, pakuba mwi aye mwajingatu “Ee”.

Bahebelu 7:3

Wabula kuyukanyikwa shanji nangwa inanji nangwa kisemi, wabulwa kuyukanyikwa kimye kya kusemwa kwanji nangwa kimye kya lufu lwanji. Wapashang'ana pamo na Mwana Lesa; ke ng'anga wa myaka ne myaka.

1 Yoano 2:23

Mambo bonse bakana Mwana bakana ne Taata; abo bamwitabila Mwana baji ne Taata pamo.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

1 Yoano 4:9

Mukino mo mwasolokejile butemwe bwa Lesa mwi atweba, amba Lesa watumine Mwananji yenka awa umo panopantanda, amba twikale na bumi kupichila mwi aye.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

2 Yoano 1:9

Bonse baya kulutwe ne kwikala monka mu mafunjisho a Kilishitu ne, kechi baji na Lesa ne. Awa waikala mu mafunjisho ye uji ne Taata ne Mwana.

Lumwekesho 2:18

“Kabiji kwi aye malaika wa mu kipwilo kya mu Tiyatila unembe amba; “Aye Mwana Lesa, ye uji na meso auba nobe lubeebe lwa mujilo, ne maulu anji auba nobe lubemba ye batubula, wa amba bino amba,