Yoano 1:18 - KNTP

¹⁸ Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 1:18 Iomraidhean Croise

Mateo 11:27

“Bataata bampele amiwa bintu byonse. Kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Luka 10:22

“Bataata bampele amiwa bintu byonse, kabiji kafwako nangwa umo wamuyuka Mwana byo aji ne, kanatu bonka Bataata, nangwa wayuka Bataata byo baji ne, kana yenka Mwana, ne boba bantu bo aswa Mwana kwibasolwelaye.”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 12:41

Isaya wa ambile bino mambo aye wamwene lukumo lwanji, ne kwamba wa ambile mambo a aye.

Yoano 13:23

Mwananji wabwanga umo, yenka ye atemenwe Yesu, wajinga ku tebulu, kasa asendalela mu kyaji kya Yesu.

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 17:26

Ne amiwa nebayukisha jizhina jenu, kabiji nkejiyukanyikisha namba butemwe bo mwantemwa amiwa bwikale mwi abo, ne amiwa monka mwi abo.”

Yoano 17:6

“Nasolwele jizhina jenu kwi aba bantu bomwampele mu ba pano pantanda. Bajinga ba kwenu, ne anweba mwibampele ne abo balama mambo enu.

Yoano 3:11

Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Yoano 6:46

Bino kafwako wibamwenepo Bataata ne, poso yenkawa wafuma kwi Lesa, ye wibamwene Bataata.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Kolose 1:15

Kilishitu ye kipasha kya Lesa ubula kumweka. Ye mubeji wa bilengwa byonse.

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

1 Timoti 6:16

Ye yenka ubula kufwa, waikala mu kyeya kya kubula kukonsha kufikako. Ye babula kumona ku muntu nangwa umo ne; nangwa kukonsha kumumona ne. Kwi aye kwikale buneme ne bulume bwa myaka. Amena.

1 Yoano 4:12

Kafwapo wamumwenepo Lesa ne, bino umvwe twitemwa atweba bene na bene, Lesa waikala mwi atweba, ne butemwe bwanji bwa lumbulukila mwi atweba.

1 Yoano 4:20

Umvwe muntu waamba, amba “Namutemwa Lesa,” bino kasa ashikwa mulongo wanji, ye wa bubela. Mambo awa wabula kutemwa mulongo wanji yeamona, kechi wakonsha kutemwa Lesa yeabula kumona ne.

1 Yoano 4:9

Mukino mo mwasolokejile butemwe bwa Lesa mwi atweba, amba Lesa watumine Mwananji yenka awa umo panopantanda, amba twikale na bumi kupichila mwi aye.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.