Yoano 1:16 - KNTP

¹⁶ Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 1:16 Iomraidhean Croise

Mateo 13:12

Mambo kwi aye uji naabyo, ukapewa ne bikwabo, kabiji ukekala na byavula, kabiji awa wabulabyo, bakamwangata ne bicheche byo aji naabyo.

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mateo 3:14

Pakuba Yoano wamukainye amba, “Amiwa yami nafwainwa kubatizhiwa kwi anweba, bino kabiji anweba mwaiya byepi kwi amiwa?”

Luka 21:15

mambo amiwa nkemupa byambo ne maana, ne bonse bemushikwa kechi bakayuka mwa kwibyalulwila nangwa kwibilengulula ne.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Loma 5:17

Mambo umvwe na bubi bwa muntu umo lufu lwaikajile mu bufumu na mambo a yewa umo. Nanchi kine, ne abo batambula bupe bwavula ne bololoke bwa bupetu bakekalanga mu bufumu mu bumi monka mwi aye muntu umo, Yesu Kilishitu.

Loma 5:2

Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa!

Loma 5:20

Pano Mizhilo nayo yatwelele amba, kuzhilulula kuvule; bino pavujile bundengamambo, ne bupe nabo bwakijishetu kuvula.

Loma 8:9

Pakuba anweba kechi muji mu buntunshi ne poso mu Mupashi, umvwe Mupashi wa Lesa waikala kine mwi anweba. Kabiji umvwe muntu wabula Mupashi wa Kilishitu, kechi ye wa kwanji ne.

Efisesa 1:23

Ne kipwilo ye mubiji wa Kilishitu, ye kukumbana kwanji, aye wa kumbana byonse, monse monse.

Efisesa 3:19

Ne kwibuyuka butemwe bwa Kilishitu bukankalwa maana kuyuka, namba muyule paa! Kufika ne ku kuyula konse kwa Lesa.

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

Kolose 2:3

Monka mwi Aye mo byafyamikila bya buneme byonse ne bya milangwe ne bya maana.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

1 Petelo 1:2

Basalululwa monka mwayila maana akuyukila jimo kwa Lesa Taata, na kuzhijikwa kwa Mupashi, ne kutokeshiwa na mashi anji amba mukookelenga Yesu Kilishitu. Bupe ne mutende bimuvujile.