Yoano 1:15 - KNTP

¹⁵ Yoano wamushimwine ne kusansula jiwi janji amba, “Uno i ye, ye na ambile namba, kunyuma yami kubena kwiya uji kulutwe kwami, mambo aye wajinga mutanshi.”

Yoano 1:15 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mako 1:7

Ne aye wasapwijilenga amba, “Panyuma yami pa bena kwiya umo wankila bulume. Mikanda ya makwabilo anji kechi nafikilamo kubandama ne kwiikasulula ne.

Luka 3:16

Ponkapo Yoano wibakumbwile bonse amba, “Amiwa kine nemubatizha na mema, pakuba wankila bulume ubena kwiya. Mikanda ya makwabilo anji amiwa kechi nafikilamo kwiikasulula ne. Aye ukemubatizha na Mupashi Wazhila ne na mujilo.

Yoano 1:27

ye yewa undondela panyuma, mikanda ya makwabilo anji kechi nafwainwa kwiikasulula ne.”

Yoano 17:5

Pano, anweba Taata! Muntumbijike ko muji anweba bene na lonkalwa lukumo lo najinga naalo ko muji, pano pantanda kasa pakyangye kulengwa.

Yoano 8:58

Kumvwa Yesu wibambijile amba, “Kine, kine nemwambila namba, Abulahama byo ajinga ukyangye, amiwa kasa njipo.”

Kolose 1:17

Kabiji bintu byonse kasa bikyangye kulengwa Kilishitu wajipo, kabiji mwi Aye momo byaikajikilwa byonse.

Bahebelu 13:8

Yesu Kilishitu ujitu pamo, kesha ne ja lelo, ne moba onsetu myaka ne myaka.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 2:8

“Kabiji kwi aye malaika wa mu kipwilo kya mu Simulina unembe amba; “Aye mutanshi ne wapelaako, yenkaye wafwile ne kwikala na bumi jibiji, wa amba bino amba,