Yoano 1:14 - KNTP

¹⁴ Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:14 Iomraidhean Croise

Mateo 1:16

Yakoba naye wasemene Yosefwa, mwata wanji Maliya, yenkaye wasemene Yesu, yebatela amba, Kilishitu.

Luka 2:11

Mambo kwi anweba ja leelo kwimusemenwa Mupulushi mu muzhi wa Davida, ye Kilishitu Nkambo.

Luka 2:7

Ne aye wasemene mwana wamulume mubeji kabiji wamupombele mu bisapi ne kumubika mu kijiilamo banyama, mambo mu nzubo ya benyi kechi mwajinga mwakufikila ne.

Luka 9:32

Bino Petelo ne boajinga naabo, bannemejilwe natulo, kabiji byo babuukile patulo bamwene lukumo lwanji ne boba bantu babiji baimene pamo nanji.

Yoano 1:1

Mu ntendekelo mwajinga ao Mambo, ne ao Mambo ajinga na Lesa, ne ao Mambo ajinga Lesa.

Yoano 11:40

Kumvwa Yesu wamwambijile amba, “Amiwa kechi naji kwimwambila namba, umvwe mwitabile, musakumona lukumo lwa Lesa nenyi?”

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 17:22

Kabiji ne lukumo lo mwampele amiwa, ne amiwa nebapaalo, be kale ke umo byonka byo tuji umo atweba.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 18:37

Kumvwa Pilato wamwambijile amba, “Nanchi obewa wi mfumu nyi?” Kumvwa Yesu amba, “Anweba mwafikilapotu amba, ‘Wi mfumu.’ O mambo o nasemenwe, ne o naishijile pano pantanda, namba nshimune bya bukine. Ne bonse ba bukine bomvwa jiwi jami.”

Yoano 2:11

Ino ntendekelo ya biyukilo byanji Yesu wiyubile mu Kena wa mu Ngalilea, ne kumwesha lukumo lwanji, kepo baana banji babwanga bamwitabijile.

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 3:18

Aye wamwitabila kechi wazhatwa ne, pakuba awa wabula kwitabila wazhatwa kala, mambo kechi waitabila mu jizhina ja Mwana Lesa yenkawa umo ne.

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Yoano 8:32

ne anweba mukebuyuka bukine, ne abo bukine bukemukasulula ke baana ba bene.”

Byubilo 13:33

aye wibifikizha kwi atweba baana babo pa kumusangula Yesu mu bafu; namo monka mo kyanembelwa mu Salamo wa bubiji amba,” “Obewa wi Mwanami, jonka ja leelo jino jo nakusema.”

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 9:5

ne bene bashakulu bo babo, kabiji mo mukisemi kyabo moaishijile Kilishitu kumubiji. Ye mwine wa byonse, ye Lesa utotwa pe myaka yonse! Amena.

1 Kolinda 15:47

Muntu mutanshi walengelwe ku lukungu lwa panshi, muntu wa bubiji wafumine mwiulu.

2 kolinda 12:9

Aye wang'ambijile amba, “Bupe bwami bwakuwaina, mambo mu kunekena mo bulumbulukila bulume bwami.” Onkao mambo nketotela mu kunekena kwami na lusekelo lukatampe, namba bulume bwa Kilishitu bwikale pe amiwa.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

Kolose 2:3

Monka mwi Aye mo byafyamikila bya buneme byonse ne bya milangwe ne bya maana.

Kolose 2:9

Mambo mwi aye Kilishitu, mo mwaikala kuyula konse kwa Lesa monka mu mubiji wanji,

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 1:5

Mambo ng'anyi malaika ye a ambijile nangwa jimotu amba, “Obewa wi Mwanami; ja lelo jino jo nakusema?” Kabiji nangwa amba, “Amiwa nkekala ke Shanji, ne aye ukekala ke Mwanami?”

Bahebelu 10:5

Onkao mambo Kilishitu byo aishile pano pantanda aye wa ambile amba, “Bitapisho ne milambo anweba kechi mwibisakile ne, kabiji mwannengezhezhe jimo mubiji.

Bahebelu 2:11

Mambo aye wibazhijika ne abo bazhijikwa, kabiji aye ne abo bo a zhijika, bonse basemwa kwi shabo umo. Onkao mambo aye kechi uba bumvu pa kwibateela amba balongo banji ne.

Bahebelu 5:5

Byonkabyo ne Kilishitu naye kechi witumbijikile aye mwine amba ekale ng'anga mukatampe ne, bino watongwelwe kwiyewa wa mwambijile amba, “Obewa wi Mwanami; ja lelo jino jo nakusema.”

1 Yoano 4:14

Kabiji twamona ne kushimuna namba Taata watumine mwananji amba ekale ke mupulushi wa ba panopantanda.

1 Yoano 4:9

Mukino mo mwasolokejile butemwe bwa Lesa mwi atweba, amba Lesa watumine Mwananji yenka awa umo panopantanda, amba twikale na bumi kupichila mwi aye.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.

Lumwekesho 19:13

Kabiji wavwajile kivwalo kyo batuumpa mu mashi. Ne jizhina janji, “Mambo a Lesa.”

Lumwekesho 21:3

Ponkapo naumvwine jiwi jikatampe jafumine ku jitanda amba, “Tala, kya kwikalamo Lesa kiji mu bantu! Aye ukekala naabo, ne abo naabo bakekala ke bantu banji. Ne Lesa mwine ukekala naabo, ne kwikala ke Lesa wabo.