Titusa 3:7 - KNTP

⁷ amba byo twabingishiwa mu bupe bwanji, twaluke ke banswanyi monka mwayila luketekelo lwa bumi bwa myaka.

Titusa 3:7 Iomraidhean Croise

Mateo 25:34

Ponkapo Mfumu ukebambila ba ku kilujo kyanji amba iyai, anweba mwapeshiwa kwi Bataata! Swanai bufumu bo emutujila kufuma ku ntendekelo ya pano pantanda.

Mako 10:17

Kabiji byo ayilenga mu jishinda, kwamunyemejile muntu umo, ne pa kumufukamina panshi, wamwipwizhe amba, “Mufunjishi wawama, nanchi ikika kyo nafwainwa kuuba namba ntambule bumi bwa myaka?”

Loma 11:6

Bino umvwe kyokya mu bupe, nanchi kechi kya mu mingilo ne. Inge kechi imomo ne, inge bupe pano kechi bo bupe ne.

Loma 3:24

Pakubinga bebabingishatu ku bupe bwanji monka mu bukuuzhi bwa mwi Kilishitu Yesu.

Loma 3:28

Onkao mambo atweba twa amba namba, muntu ubingila ku lwitabilo kwakubula mingilo ya mu Mizhilo.

Loma 4:16

Onka ano mambo oaikela mulaye pa lwitabilo, amba mulaye ekale pa bupe, mulaye akekale pa bonse ba mukisemi, kechi boba bonka bamu Mizhilo ne, nanchi ne kuboba bamulwitabilo lwa Abulahama shetu atweba bonse;

Loma 4:4

Pano kuyewa wingila, mfweto kechi itelwa amba, ya bupetu ne, poso amba ya kwingijila.

Loma 8:17

Kabiji umvwe twi baana, byonkabyo kabiji twi banswanyi ba Lesa, ba kuswana pamo ne Kilishitu, umvwe twamanama nanji pamo, amba tukatumbijikwe nanji pamo.

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

Ngalatiya 2:16

Nangwa byonkabyo, byo twayuka namba muntu kechi ubingila mu mingilo ya mizhilo ne. Poso mu lwitabilo lwa mwi Yesu Kilishitu. Ne atweba twaitabijile mwi Kilishitu Yesu amba, tubingile mu lwitabilo lwa mwi Kilishitu. Kechi mu mingilo ya Mizhilo ne. Mambo mu mingilo ya Mizhilo kafwako muntu nangwa umo ukabinga ne.

Ngalatiya 3:29

Kabiji umvwe mwi bakwa Kilishitu, mwi ba nkunwa ya Abulahama, mwi banswanyi ba monka mwayila mulaye.

Ngalatiya 4:7

Onkao mambo pano mwi aye Lesa kechi wi muzha ne, wi mwana. Kabiji umvwe wi mwana, wi nswanyi.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

Titusa 1:2

mu luketekelo lwa bumi bwa myaka, boalayile Lesa ubula kubepa, ntendekelo ya myaka kasa ikyangye kwikalako,

Titusa 2:11

Mambo bupe bwa Lesa bwamweka, bwaleeta lupulukilo ku bantu bonse.

Titusa 2:13

Kasa tutengela alwa luketekelo lwa lusekelo, ko kumweka kwa lukumo lwa Lesa mukatampe, ne Mupulushi wetu Yesu Kilishitu.

Bahebelu 1:14

Abo bonse kechi bo bapashi bengila mingilo nenyi? Batumwa mu kwibengijila mingilo aba bakaswana lupulukilo.

Bahebelu 11:7

Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.

Bahebelu 11:9

Ko ku lwitabilo ko aikajile ke mwenyi mu ntanda ya mulaye, kasa ekala mu matente ne Izaka ne Yakoba, banswanyi pamo ne aye ba mu yewa mulaye umo.

Bahebelu 6:17

Ne aye Lesa byo asakile kwibamweshatu bulongo banswanyi bamulaye amba poso akafikizhe mulaye ye alayile, wachipile luchipo.

Yakoba 2:5

Umvwai balongo bami batemwe! Aye Lesa kechi wasalulwile abo bayanji ba pano pantanda ba lwitabilo amba bekale banswanyi ba bufumu boalayile kwi abo bamutemwa nenyi?

1 Petelo 3:7

Ne anweba banabalume basongola byonkabyo ikalai na bakazhi benu monka mu maana ne kwibanemeka nobe kijiilo kyakila kunekena, byo baji banswanyi pamo ne anweba ba bupe bwa bumi. Kuchiina amba milombelo yenu yakeya kulubankana.