Titusa 3:6 - KNTP

⁶ Ye etwitulwijile wavula mwi Yesu Kilishitu Mupulushi wetu,

Titusa 3:6 Iomraidhean Croise

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 16:7

Nangwa byonkabyo nemubula bya kine, kimuwamina amiwa kufumapo, mambo inge amiwa ne kufumapo ne, Nkwasho kechi akeye kwi anweba ne. Kabiji inge naya, amiwa nkamutuma kwi anweba.

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 7:37

Mu juba japeleleko, jo jajinga jikatampe ja kijiilo, Yesu waimene ne kubijika amba, “Inge muntu waumvwa kilaka, eye kwi amiwa atome.

Byubilo 10:45

Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Loma 2:4

Inyi wasulatu kuvula kwa lusa lwanji ne kutekanya kwanji ne kukooka muchima kwanji, ne kuyuka amba, lusa lwa Lesa lwayila mukuuba amba, ulapile nyi?

Loma 5:5

Ne luketekelo kechi luleeta bumvu ne, mambo butemwe bwa Lesa bebwitulwila mu michima yetu na Mupashi Wazhila, ye twapewa.

Loma 8:2

Mambo muzhilo wa aye Mupashi wa bumi wankasulula mwi Kilishitu Yesu kuyewa muzhilo wa bundengamambo ne wa lufu.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Efisesa 4:2

Na kwipelula konse ne bukimote, ne na kukooka muchima, kasa mwitekenya anweba bene na bene mu butemwe.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

Titusa 1:4

Kwi Titusa, mwanami wa kine wa mu lwitabilo lumo ne amiwa. Bupe ne mutende, bifuma kwi Lesa Taata ne kwi Kilishitu Yesu Mupulushi wetu, bikale ne obewa.