Titusa 3:5 - KNTP

⁵ aye witupulwishe. Kechi na mambo a mingilo ya bololoke yotwaubile atweba bene ne, poso monka mwayila lusa lwanji, monka mu kovwa kwa kusemwa jibiji, ne kusangulwa kupya kwa Mupashi Wazhila.

Titusa 3:5 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Luka 1:50

lusa lwanji luji pa boba bamwakamwa, kufuma ku kisemi ne kufika ku kisemi kikwabo.

Luka 1:54

Wamukwasha kalume wanji Isalela, byo avuluka lusa lwanji,

Luka 1:72

Kumwesha lusa ku bashakulu betu ne kuvuluka mulaye wanji wazhila.

Luka 1:78

Mambo Lesa wetu wa lusa, usa kwitupempula, byonka byo jiseela juba mwiulu,

Loma 11:14

Namba nangwa na kya byepi, nebobishe kichima balongo bami Bayudea, ne kupulushapo bamo mwi abo.

Loma 11:6

Bino umvwe kyokya mu bupe, nanchi kechi kya mu mingilo ne. Inge kechi imomo ne, inge bupe pano kechi bo bupe ne.

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

Loma 3:20

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Loma 3:28

Onkao mambo atweba twa amba namba, muntu ubingila ku lwitabilo kwakubula mingilo ya mu Mizhilo.

Loma 4:5

Kabiji kuyewa ubula kwingila bino waitabila mwi aye ubingisha babula kwakamwa Lesa, lwitabilo lwanji lwamutelelwa ke bololoke.

Loma 9:11

Mambo baana banji kasa bakyangye kusemwa, nangwa kuuba kyawama nangwa kyatama ne, na mambo a kuuba amba, kufuukula kwa Lesa kwa kusalulwila jimo kechi kwikale na mambo a mingilo ne, poso monka mwayila kufuukula kwa mwine Lesa.

Loma 9:16

Byonkabyo nanchi kechi o mambo ayewa usaka ne, nangwa ayewa wingila ne, nanchi o mambo a lusa lwanji aye Lesa.

Loma 9:30

Nanchi tusa kwamba amba ka? Namba Bangentila, babujile bololoke, bebumwena mu lwitabilo;

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

Ngalatiya 2:16

Nangwa byonkabyo, byo twayuka namba muntu kechi ubingila mu mingilo ya mizhilo ne. Poso mu lwitabilo lwa mwi Yesu Kilishitu. Ne atweba twaitabijile mwi Kilishitu Yesu amba, tubingile mu lwitabilo lwa mwi Kilishitu. Kechi mu mingilo ya Mizhilo ne. Mambo mu mingilo ya Mizhilo kafwako muntu nangwa umo ukabinga ne.

Efisesa 2:4

Kabiji Lesa byo aji na lusa lukatampe, na mambo a butemwe bwanji bukatampe bo etutemenwe,

Efisesa 4:23

Musangulwenga ke bapya mu mupashi wa michima yenu,

Efisesa 5:26

Amba ekizhijike, byo ekitokesha pa kwikyovwa na mema a mu byambo,

Kolose 3:10

kabiji mwavwala bu muntu bupya, bo bubena kusangulwa ke bupya mu kumona maana monka mwayila kipasha kya yewa wibulengele.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

Titusa 3:4

Pakuba lusa lwa Lesa Mupulushi wetu, ne butemwe bwanji boatemwa bantu byo byamwekele,

Bahebelu 10:22

Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.

Bahebelu 4:16

Onkao mambo nanchi tufwenye kwipi konka ku jitanda ja bupe kasa twachinchika. Amba tutambule lusa ne kumona bupe bwa kwitukwasha mu kimye kya kupelelwa kwetu.

Bahebelu 6:6

Kabiji umvwe ba pondoka! Kechi kyakosheka kwibabwezha jibiji ku lulapilo ne, mambo babena kumupopa pa musalabu jibiji Mwana Lesa, ne kumumwesha bumvu patoka.

1 Petelo 1:3

Atotwe Lesa Shanja Nkambo yetu Yesu Kilishitu, ye witusemene jibiji monka mu lusa lwanji lukatampe, mambo a kusanguka kwa Yesu Kilishitu mu bafu, pano twaikala na luketekelo lumi,

1 Petelo 2:10

Kala anweba kechi mwajinga bantu bakwa Lesa ne, pakuba pano mwi bantu ba kwa Lesa, kala mwabujile kumona lusa, pakuba pano mwilumona.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.