Titusa 3:3 - KNTP

³ Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Titusa 3:3 Iomraidhean Croise

Mateo 21:29

Aye mwananji wakaine amba amiwa ne mwane. Kabiji panyuma walapila, kaye.

Luka 21:8

Yesu wibambijile amba, “Jimukai mwakatwalwa mungi. Mambo bavula bakeya mu jizhina jami amba, ‘Amiwa yami iye!’ Kabiji amba, ‘Mwaka wafika kala!’ Kechi mukebalondele ne.

Yoano 8:34

Kumvwa Yesu amba, “Kine, kine nemwambila namba, bonse balenga mambo bo bazha ba bundengamambo.

Loma 11:30

Anweba byonka byo mwalengulwile Lesa mu kimye kya kala, pakuba pano mwaubilwa lusa na mambo a milengulwila yabo.

Loma 6:12

Byonkabyo kechi muleke bundengamambo bwikale na bunkambo mu mibiji yenu ya lufu ne, mwakakookela lwiso lwayo.

Loma 6:17

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile.

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 6:6

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

2 kolinda 12:20

Mambo nachiina namba, apo kampe byo nkeya, nkemutaana kasa mwaikala na monabula kusakila, ne amiwa mwine nkataanwa kwi anweba na momwabula kusakila, kabiji nachiina namba kampe kukekala lutoobo, ne kichima, ne bukaji, ne bya bongozhi, ne miyebe, ne bya kutepeta, ne bya kwilundumika, ne biwowo.

Ngalatiya 6:3

Mambo umvwe muntu wilanguluka mwine amba ne wafwainwa kasa aji watu, wijimbaika mwine.

Kolose 1:21

Ne anweba, kala mwajingatu bangi kabiji mwajinga balwanyi mu michima yenu ne mu mingilo yenu yabiipa.

Kolose 3:7

Mo mwaendelenga kala ne anweba, byo mwaikajile mu bino bintu.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

2 Timoti 3:6

Mambo mwi abo muji bamo bongolokela mu mazubo, ne kwibabombola banabakazhi banekena, banemenwa na bya bundengamambo bwabo, batwalwatwalwa ku bya kusakasaka kwabo kwa misango ne misango.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Titusa 2:12

Bwitufunjisha atweba amba, tukaane bumbulwa kwakamwa Lesa ne bya lwiso lwa pano pantanda, twikale ba kwikanya, baoloka, ne ba kunemeka Lesa pano pantanda.

Yakoba 1:26

Umvwe muntu wilanguluka amba ye mwina Lesa, ne kulama lujimi wanji ne, bino ujimbaika muchima wanji mwine, ao muntu bwina Lesa bwanji bwatu.

1 Petelo 1:14

Byo muji baana ba lukookelo kechi mwipashang'anyenga na mwayila bya lwiso lwenu lwakala, lwa mu myaka yo mwabujile kuyuka ne.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 18:2

Kabiji wabijikile na jiwi jikatampe amba, “Wapona! Babilona mukatampe wapona! Pano wa aluka ke mwa kwikala bademona, ke mwa kulamina bapashi bonse babipa, ne mwa kulamina bang'onyi bonse babipa ne banyama babipa ba muzhilo.