Titusa 3:1 - KNTP

¹ Kasa wibavulula kwibanekenena bamfumu ne ba luusa, bekale ba lukookelo, ne kwinengezha kwingila mingilo yonse yawama.

Titusa 3:1 Iomraidhean Croise

Mateo 22:21

Abo amba, “Bya kwa Kesala.” Kepo ebambijile amba, “Panai kwi Kesala bya kwa Kesala, ne kwi Lesa bya kwa Lesa.”

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

1 Timoti 2:2

ne bamfumu, ne bonse baji mu bukulumpe namba, twikale mu bwikalo bwa mutende ne bwazhindama mu kunemeka Lesa konse, ne na mushingi.

1 Timoti 4:6

Umvwe wafunjisha bino bintu ku baitabila, ukekala ke wa mwingilo walumbuluka wa kwa Kilishitu Yesu, wikomesha na byambo bya lwitabilo, ne na lufunjisho lwalumbuluka lo walondejilenga kufika ne leelo.

1 Timoti 5:10

watumbalala na mingilo yawama, umvwe walelelenga baana banji bulongo, kabiji watambwilanga benyi, waovwelenga maulu a bazhijikwa, wakwashanga bamwenenga bya malwa, wipaine mu kwingila mingilo yonse yawama.

2 Timoti 1:6

Onkao mambo na kuvulula namba uteemeshe akya kya bupe bwa Lesa kiji mwi obewa mambo na kutentekele maboko ami.

2 Timoti 2:14

Wibavulule bino bintu, ne kwibakambizha ku meso a Nkambo amba, kechi bapachike lupata lwa byambo ne, mambo lo lwatu, kabiji lwibavulang'anya aba bebyumvwa.

2 Timoti 2:21

Byonkabyo umvwe muntu witokesha mwine ne kwifumya ku byatama, ukekala ke kijiilo kya mwingilo wa mushingi, kyazhijikwa, kyafwainwa kwingilako Nkambo kyanengezhiwa jimo mingilo yonse yawama.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Titusa 3:14

Kabiji bantu betu nabo bafunde kwingila mingilo yawama, bamwenemo byawama, kuchiina kwikala ke baatu.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.

2 Petelo 1:12

Onkao mambo amiwa nateshakotu muchima kwimuvulula bino bintu moba onse, nangwa mwibiyuka, ne kwikala mwaikajisha mu bukine bo muji naabo.

Yuda 1:5

Pano nasaka kwimuvulula, nangwa mwibiyukila jimo byonse namba, aye Nkambo nangwa wibapulwishe bantu mu ntanda ya Ijipita, palutwe wibonawine bonse babujile kwitabila.